JBPM merambu ngaga mayuh agi balai bomba ba pasar mit

Utusan Borneo (Sarawak) - - Berita Iban -

KUCHING: Perintah Sarawak nengah Opis Bomba enggau Penyah Penusah Malaysia (JBPM) Sarawak bisi langgur deka ngaga mayuh agi balai bomba ba pasar mit menua pesisir nengeri tu.

Menteri Muda Kaunsil Kandang Menua enggau Pengawa Berumah Datu Penguang Manggil madahka, nya berindik ari penusah angus ti suah nyadi lebih agi ba rumah panjai.

“Penusah angus bekaul enggau rumah panjai majak ngirauka. Bepelasark­a statistik ari taun 2017 ngagai 2019, bisi 26 kes penusah rumah panjai angus dalam taun 2017, 24 kes (2018) enggau dalam timpuh Januari ngagai April 2019 bisi lima kes.

“Berindik ari penusah angus rumah panjai ti balat nyadi, Perintah Sarawak nengah JBPM Sarawak bisi langgur deka ngaga beberapa buah balai bomba di pasar mit menua pesisir baka Batu

Niah, Beluru, Lapok, Long Lama enggau Tebedu sereta ba endur ke bukai ti semak kandang endur menua pesisir,” ku iya.

Penguang mansutka pekara nya lebuh ti nyaut tanya ari Martin Ben (GPS - Kedup) maya sesi tanya saut Aum Ke-2 penggal Ke-4 Aum Kunsil Nengeri (DUN) Sarawak Ke-18 ba Kompleks DUN ditu, kemari.

Dulu ari nya lebuh ti ngenang pasal perambu perintah ngaga Balai Bomba di Pelilih Menua Tebedu, Penguang madahka palan ngaga Balai Bomba enggau Penyaha Penusah Tebedu udah dikemendar­ka perintah nengeri ba taun 2009, iya nya ba Lot 298, Blok 8, Kayan Land District.

Opis Bomba enggau penyah penusah udah ngenataika perambu ngaga Balai Bomba Tebedu di dalam Langgur Pemansang Malaysia Lumpar Ke-11 (RMK-11).

Taja pia, ungkup belanja ti diperambu dikena ngaga balai bomba tu enda dikemendar­ka perintah besai dalam RMK-11, lalu JBPM deka nganjung baru perambu ngaga Balai Bomba enggau Penyah Penusah Tebedu dalam RMK-12, ku Penguang.

“Nyema Balai Bomba enggau Penyah Penusah Tebedu digaga, nya digaga ngena infrastruk­tur kategori D ti nyengkaum blok opis, berek injin bomba, worksyop, tower hos sereta padang kawad, lalu semua nya begunaka belanja urung RM3.5 juta.

“Lalu balai bomba kategroti D tu deka disikap ngena 10 iku pemesai bomba sereta 15 iku volunteer bomba. Nambahka nya disikap ngena seunit injin fire rescue tender, dua unit perengka pengangkut utiliti enggau seunit bot penyelamat,” ku iya lebuh nyaut tanya tambah ari Kedup.

NERANGKA RETI: Penguang meri penerang maya sesi tanya saut, kemari.

Newspapers in Malay

Newspapers from Malaysia

© PressReader. All rights reserved.