Pengeransing pengajar napi pemar ngajar di menua pesisir patut dipuji
Perintah endang beterima kasih enggau pengeliat ati bala pengajar ti bebendar deka meri pelajar ngagai peranak menua pesisir, ku Jugah
LUBOK ANTU: Perintah beterima kasih ba tanggungpengawa bala pengajar kelebih agi sida ti bejalaika servis ba sekula menua pesisir laban pengeransing enggau pengandal ba pengawa sereta pemar ke ditapi ba pengawa ngajar nembiak di kandang menua pesisir.
Kaban Parlimen (MP) Lubok Antu Jugah Muyang madah, pengandal bejalaika tanggungpengawa bala pengajar tu mih ti mantu perintah nentuka bala nembiak ba sekula menua pesisir, nyengkaum menua ulu ke jauh sereta mar ditengah ngiga pemandai.
“Pengawa pengajar ti ngajar di menua pesisir patut dipuji kitai laban sida sedia napi pemar ngambika ulih meda anak kitai bulih pelajar sekula ti chukup,” ku iya maya bejaku ba Pengerami Begulai enggau Gerempung Apai Indai enggau Pengajar (PIBG) ba Sekula Primari (SK) Sebangki, ditu, kena Hari Lima tu tadi.
“Sida (pengajar ba menua ulu) endang nemu, semina pelajar sekula aja ulih ngubah pengidup orang nya lebih bereti lalu ulih nyapai juluk jemah ila.
“Enti nembiak ari ruang bilik ke seranta menua pesisir mujur nyambung pelajar ngagai tikas ti tinggi agi lalu bulih pemujur, nyadi tu ulih mantu ngubah gaya ekonomi sida sebilik,” ku iya nambah.
“Kitai mega nemu bala pengajar ke ngajar ba menua pesisir kelebih agi sitak Parlimen Lubok Antu napi penanggul perengkaguna ti kurang enti dibandingka enggau kandang mengeri,” ku iya agi.
Nya alai, ba pengerami ke diatur di Dewan Dublin Unting Ingkot, SK Sebangki,
Pengawa pengajar ti ngajar di menua pesisir patut dipuji kitai laban sida sedia napi pemar ngambika ulih meda anak kitai bulih pelajar sekula ti chukup.
Jugah Muyang
Jugah bisi meri mantu RM15,000 ngagai PIBG SK Sebangki.
Iya ngarap bantu nya ulih diguna memanah ungkup bejalaika aktiviti pengajar sereta nembiak sekula begulai enggau apai indai SK Sbangki.
Sama bisi datai iya nya Pemesai Opis Betanam Betupi Pelilih Menua Lubok Antu, tuai rumah, apai indai enggau lebih 200 iku peranak ari kandang menua SK Sbangki.
Kelimpah ari nya, Jugah ngelalau apai indai ngambi seruran komited beratka pelajar sekula anak laban penemu nya aset ti berega ke beguna ungkup pengidup dudi hari.
Iya madah kerejasama enggau sukung ari semua beguna amat dalam juluk deka ngangkatka kualiti pengajar enggau perengkaguna pemansang sekula ungkup
MP Lubok Antu
pengelantang prasarana ngagai anak sida.
“Endang udah juluk kitai di Parlimen Lubok Antu deka meda nembiak ari Lubok Antu tu ayan nyadi nembiak ti nyulut sekalika ari renggat sekula, nengeri tauka Malaysia.
“Enti kitai ulih nempa nembiak ti nyulut ke ulih mai nyungkak pemansang ba menua asal sida, pekara tu meri penguntung besai dalam timpuh ti panjai,” ku iya.
Nya kebuah, dikena nyapai pengandal enggau juluk pelajar sekula, siti mekanisme ke ulih dipejalaika iya nya ngerapitka kaul sekula enggau apai indai nengah PIBG laban pangku pengawa apai indai, pengajar sereta komuniti kandang menua patut tegap.
Kaul ti rat tu nempa runding ti sepenemu sereta pintar bekunsi penemu ungkup pengelantang semua,” ku iya nambah.