Rosli Ahmad dichiri nyadi chairman PKR DUN Bukit Kota

MIRI: Rosli Ahmad dichiri nyadi chairman Parti Keadilan Rakyat (PKR) sitak Kunsil Nengeri (DUN) Bukit Kota, Limbang maya aum parti nya ke diatur ba opis di Limbang, bedau lama udah.

Bisi mega dichiri iya nya Salleh Abdul Rahman ke mega sapit chairman; Ladis Pandin(sapit chairman I) ; Drahman Bakat ( sapit chairman II) ; Zainudi Johari ke mega sapit chairman II (Sayap Raban Nembiak) enggau Mordiah Kassim, dichiri nyadi sapit chairman IV (Ketuai Indu).

Ba aum nya mega, Abdullah Kassim dichiri nyadi Sekretari, Chiew Vui Peng (tukang wang), Muit Salleh (ketuai pemadah), Learmat

Tali (penulung ketuai pemadah), Ali Abdullah (ketuai politik) enggau Manasal Akit (sapit ketuai politik).

Pia mega, kaban komiti mit parti nya mega diarika Asman Yusop, Latip Ibrahim, Berahim Meramit, Isa Burut enggau Sahri Gapor, Puasa Ali, Awang Samat Bakar, Bujang Kamit, Nayan Osman, Wong Chin Choon, Kong Siew Kee, Ling Dagah, Berman Minggu Lamat, Wahid Mahmud, Ibrahim Yusop, Hong Kiam Hui enggau Dandan Ali.

Lebuh ba aum nya, PKR DUN Bukit Kota mega nyiri lalu numbuhka mayuh bengkah biro dikena ngemudahka atur pengawa enggau pejalai tanggungpengawa parti baka biro pengarap ti diketuaika Salleh Abdul Rahman; biro pengintu pengelantang diketuaika Ladis Pandin; biro rama diketuaika Awang Omar Pengiran Tajudin; biro Seranta diketuai Muit Salleh; biro ekonomi diketuai Chiew Vui Peng lalu biro lumba enggau main sereta pengawa ngerejista dipegai sayap Raban Nembiak enggau Indu.

Kaban komiti PKR DUN tu mega ngelanggur semua chairman Kaunsil Ngaduka Komiti Genturung Pendiau Perintah Besai (MPKKP) dalam konstituensyen dikena numbuhka kaban exco sida.

Ba dalam aum nya mega bisi ngelanggur program Jaya Desa Siri II, ke diatur kena 25 Desember taun tu.