Singapura minta Sarawak nambahka eksport ikan tilapia Btg Ai
Peminta ti tinggi ari Singapura tu ketegal asai ikan tilapia Batang Ai nyamai agi enti dibanding enggau ikan di Semenanjung
BETONG: Singapura minta Sarawak nambahka eksport ikan tilapia Batang Ai ngagai menua nya.
Kepala Menteri Datuk Patinggi Abang Johari Tun Openg madah, peminta tinggi ikan talapia tu ketegal asai iya ti nyamai.
Pia mega ku Abang Johari, Singapura madah ikan tilapia Batang Ai manah enti dibandingka enggau ikan ti dijual di Semenanjung.
“Bedau lama ti udah kami nyual ikan tilapia Batang Ai keterubah nya ngagai Singapura enggau pemayuh 12 tan.
“Pengudah nya menteri Singapura datai betemu enggau aku sereta Datuk Amar Douglas Unggas Embas lalu minta kami nambahka agi penyampau ikan tilapia
Kepala Menteri
nya.
“Maya ditanya nama kebuah sida (Singapura) rindu makai ikan tilapia nya, sida madah asai ikan tilapia kitai manah dibandingka enggau ari Semenanjung.
Iya madah munyi nya beserimbai enggau Sesi Townhall ‘Berambeh Ngan Kepala Menteri Abang Jo’ di Dewan Stephen Kalong Ningkan ditu kemari.
Beratika enggau potensial ikan tilapia sereta peminta tinggi ari Singapura, Sarawak ku Abang Johari udah ulih nyual ikan tu nyengkaum ikan empurau.
Ikan tu ku iya ulih ditupi enggau tikas ti besai di Tekat Hidro Batang Ai, Bakun, Murum sereta mega Baleh.
Ba awak bekaul enggau pengawa nya, Abang Johari madah kandang menua Betong, Sri Aman nyentuk ngagai Sarikei ditemu sereta dipelaba nyadi palan ‘Food Basket’ Sarawak.
Tiga bagi menua nya ku iya bisi potensial ti besai ungkup pengawa betanam betupi ngena teknologi moden baka fertigasyen enggau IOT.
“Betanam betupi iya nya nyadi pelasar ngemansangka sereta negapka ekonomi nengeri.
“Ba taun 2010 penyampau peranak dunya deka dipelaba sepenyampau tujuh bilion sereta setengah ari peranak nya diau ba benua Asia.
“Malaysia, Sarawak bisi potensial. Kitai ngena chara baru ngemansangka tanah kitai nyengkaum fertigasi,” ku iya.
Pengudah nya menteri Singapura datai betemu enggau aku sereta Datuk Amar Douglas Unggas Embas lalu minta kami nambahka agi penyampau ikan tilapia nya.
Datuk Patinggi Abang Johari Tun Openg