PBH Sibu-Selangau patut dikemanah lengkas
SIBU: Menteri Kereja Raya Baru Bian madah sereta udah ngasai kediri empu gaya Jalai Besai Pan Borneo (PBH) ba sitak Selangau enda likun ditengah sereta ulih mai penusah ngagai peranak ba kandang menua nya.
Nitihka penemu iya, lebuh iya ti nengah jalai nya ari Bintulu, mayuh bengkah jalai dia enda diadu enggau manah lalu tau ngeruga pengelikun orang ti begunaka jalai alun tu.
Iya mega madahka diri suah nerima ripot bekaul enggau gaya jalai alun ba Selangau ditu.
“Lebuh aku ba rantau jalai ngagai Sibu tadi, ‘I went up and down’ laban aku meda gaya jalai alun nya mayuh amai belubang (pothole).
“Kelimpah ari nya, senentang tiku patut diengkahka mayuh agi tanda jalai,” ku iya madah ngagai pengarang berita ba aum media sepengudah ti bejadika Program Ngelai Nyambung Jematan Durin Sibu, Projek Jalai Pan Borneo di Sibu, kemari.
Berebak enggau nya, iya ngansak bala raban Kontrak Pakej Kereja (WPC) ti megai tanggung pengawa ba pelilih menua nya ngambi nikika tikas pengelikun jalai alun dia.
Baru Bian ke mega Kaban
Parlimen Selangau madahka ansak tu ukai semina ba sitak Selangau aja, tang ngagai semua WPC ke bekaul enggau ngatur Jalai Pan Borneo.
“Bulan nyin kemari, aku udah mansang sereta nengah jalai alun Pan Borneo ari Kuching ngagai Lubuk Antu, lalu pulai baru ngagai Kuching lebuh maya hari pagi enggau lemai.
“Sepengelama enam jam ba rantau jalai nya, aku enda puas ati ngagai gaya pengelikun ba semua bengkah pelilih menua nya, nya alai aku ngemerat sereta enda ngelak ke pekara tu bakanya aja,” ku iya nampung jaku baru.
Bekaul enggau pengawa bejadika Program Nyambung Jematan Durin pagi kemari, Baru madahka jematan nya digaga sepemanjai 1.2 kilometer enggau peninggi 20 meter ke mega nyadi jematan besapit ti ditampung baru ari jematan ke udah digaga kenyau ari taun 1990 suba.
Jematan nya dipelabaka berengkah ditengah tauka dikena mensia mayuh, ba bulan April 2020 ila, 2 bulan tumu agi ari maya ke diperambuka jematan nya tembu ngelamatu.
“Jematan Durin tu siti ari pemujur enggau pengelandik raban injinir laban jematan tu meh ke pemadu endar panjai ke bepelasarka Projek Jalai Pan Borneo Sarawak, lalu ungkus begagaka jematan tu sepenyampau RM120 juta,” ku iya.
SUAI: Peranak di Rumah Robert Tugang, Jematan Hulu Suai asa enggau opis ke bekaul laban nadai bejalaika pengawa mutarka penanggul bekal ai ti suah endar ditapi di kandang menua nya kenyau seminggu ke udah.
Naka ke diatu, peranak di rumah panjai ti bisi 134 ruang bilik nya semina bepanggai ba ai ujan aja ungkup nyumai enggau bebasuka gari.
Siku peranak rumah panjai nya, Asang Akup, 52 madah, penanggul ai nya mengkang ditapi sida pengelama seminggu ti udah lalu pekara tu ngenusahka peranak ruamh panjai nya.
“Naka ke diatu, nyauka semua peranak bepanggai ba ai ujan aja dikena nyumai sereta bekal ai irup tang ungkup mandi, peranak genturung pendiau nya mandi ngagai Sungai Suai ti enda likun berindik gaya ai sungai ti kamah ketegal aktiviti ekonomi,” ku iya.
Ku iya nambah, Sungai Suai mega mayuh baya ti ulih ngeruga pengelikun peranak kandang menua nya.
Nya alai ku iya, iya ngarap