Bazaarnita Dalat deka ngayanka mayuh elemen bukai kelimpah ari endur bedagang
MUKAH: Bazaarnita Dalat ukai semina digaga nyadi begunan dikena bejalaika pengawa dagang.
Nitih ku Menteri Pengelantang Pendiau Komuniti, Orang Indu, RUang BIlik enggau Pemansang Anak Mit Dato Sri Fatimah Abdullah, bisi simbol ti deka digaga sama enggau begunan nya ila.
“Bazaarnita tu ila ukai semina begunan ti bejalaika pengawa dagang, bisi mayuh elemen bukai ke mega sama deka bisi dalam nya ila,” ku iya lebuh pengerami nyuaka taba ngaga Bazaarnita Dalat
MUKAH: Abis nadai bisi tiga pematak baru ba kandang menua Dalat sebedau bulan Julai 2020 tu.
Menteri Pengintu Pengelantang Pendiau, Komuniti, Orang Indu, Ruang Bilik enggau Pemansang Anak Mit Dato Sri Fatimah madah, nya Tebing Sungai Dalat Fasa Kedua, Taman Solidariti sereta mega Bazaarnita Dalat.
“Kami ngarap Bazaarnita tu ulih ditembu sebedau bulan ditu pagi kemari.
Entara nya, tu kelai pengering ati orang indu dalam pengawa dagang, ke alai majoriti pedagang iya nya orang indu.
Kelimpah ari nya, tu mega sama mantaika pengeransing orang indu ti bisi ruang bilik ke suah ditinggalka laki sida bekereja enggau kompeni kayu batang dulu kelia lalu sida nampung pengidup enggau bedagang.
Bisi 183 seruyuk ti deka disediaka dalam begunan Bazaarnita nya ila lalu tu mih ti pemadu besai udah digaga.
“‘Terendak’ ukai semina Julai tu, sama enggau Taman Solidariti sereta Tebing Sungai Dalat Fasa Kedua,” ku iya ba pengerami pengawa nyerah palan Bazaarniti Dalat ngagai kunteriktor pagi kemari.
Nitih ku iya, pengarap ti pemadu besai iya nya ketetiga palan tu ulih tembu digaga sebedau Pesta Balau ti dipelaba deka diatur ba Dalat kena bulan Julai tu ila.
Enti nya tembu sebedau bulan Julai, tu deka nyadi nyadika lambang komuniti Melanau tang nya mega lambang palan endur beteduh ari panas enggau ujan, engkeman baka begunan nya ila,” ku iya nambah.
Bazaarnita Dalat tu dipelaba beungkus RM750,000 lalu deka digaga dalam timpuh enam bulan.
Kelimpah ari nya, Fatimah mega beterima kasih ngagai SArawak Energy Berhad (SEB) laban ti udah besetuju melanja ungkus ngatur kabel baruh tanah ba taba projek sereta ngaga ‘Terendak’ nya ila. pematak ke baru kelebih agi ari temuai ti datai lebuh Pesta Balau 2020 tu ila.
Projek ngaga Tebing Sungai Dalat, Fasa 2 dipelaba tembu kena 20 Jun 2020.
Projek beungkus RM4.1 juta tu berengkah dipejalaika kena 21 Jun 2018 sereta timpuh kontrak pengelama 24 bulan.
Lalu Taman Solidariti, pengawa nyerah palan projek udah dipejalaika kenyau ari taun nyin kemari.