Mensia mayuh patut nemu hak diri nyadi penguna: Chong
KUCHING: Mensia mayuh dilalau ngambika nemu hak diri nyadi penguna dikena nyeliahka diri ari kena tipu orang dagang, kelebih agi bekaul enggau rega barang.
Sapit Menteri Dagang Dalam Nengeri enggau Pekara Penguna, Chong Chieng Jen madah, mensia mayuh ke nyadi penguna sebedau bebelika barang patut ulih mandingka rega barang ke deka dibeli sereta beratka kualiti barang.
Iya madahka sesiku penguna sebedau meli barang patut mandingka rega dulu, ambis nadai bandingka entara dua tauka tiga orang dagang.
“Kebuah pia laban kitai ngemeranka ‘free market system’, orang dagang bisi nadai ditatak nyual barang ngena rega ti ditetapka diri empu.
“Ari baruh sistem tu aku ngasaika enti penguna mandingka rega sebedau meli, ambis nadai ulih ngurangka peluang kena kelakar tauka meli barang ngena rega ti mar tauka lebih.
“Kelimpah ari ngaga banding bekaul enggau rega, penguna mega patut mandingka kualiti barang ke dibeli,” ku iya lebuh dikerandau raban pengarang berita.
Dulu ari nya Chong bejadika Ekspo Penguna Sarawak ti diatur ‘Persatuan Suara Penguna Sarawak’ (COVAS) ba sebuah palan bebeli barang ditu, kemari.
Berebak enggau tu iya madahka serata Malaysia opis menteri iya taun 2019 bisi nerima urung 21,000 sebana ari penguna lalu tebal agi bekaul enggau rega barang.
“Penyampau semua sebana taun nyin kemari urung 21,000 serata Malaysia.
“Ari penyampau semua sebana nya, kategori bekaul enggau rega barang lebih 6,000 sebana enggau 5,000 lebih kategori transaksyen nengah ‘online’,” ku iya seraya madah diri mai penerang bekaul enggau statistik ungkup Sarawak.
Kelimpah ari nya Chong lebuh ti ngenang pasal ekspo nya muji COVAS laban ti chaka ngatur ekspo nya ke dikearap ulih meri penyedar ngagai mensia mayuh pasal hak nyadi penguna.
Inisiatif COVAS ku iya, mantu pengeran perintah ti deka nambahka penyedar nyadi penguna ba rayat.
“Ekspo tu deka nambahka penyedar rayat tauka penguna pasal hak nyadi penguna.
“Pengatur pengawa b i sin y e n dia k a urung 30 ban sal pemandang ejen si perintah tib e kaul enggau penguna, tu ngambika penguna tau betanya enggau bulih penerang ari pemesai ba bansal nya,” ku iya.
Ekspo Penguna Sarawak nya diatur kena 14-16 Februari ba Vivacity ditu.
Nyerumba pengerami nya kemari, Chong nyuaka bantu ari perintah besai ngagai tujuh gerempung ti sepenyampau RM21,000.
Bisi datai ba program nya Direktor Opis Dagang Dalam Nengeri enggau Pekara Penguna Sarawak Datuk Stanley Tan, Presiden C O VAS Mi c h a e l Tiang enggau ke bukai.