KHM pelasar dikena ngaul komuniti, nyadung penerang perintah
Tu mega ulih mantu ngenegapka agi kaul penyerakup pupu raban bansa, ku Andrew
KUCHING: Komiti Harapan Malaysia (KHM) tau nyadi pengaul komuniti dikena ngerembaika pemadah ke bekaul enggau perintah.
Kaban Parlimen (MP) Sarikei Andrew Wong Ling Biu madah, penubuh KHM tu nengah pelasar ti disediaka Opis Pemadah Malaysia iya nya entara siti inisiatif ti pemadu manah.
Ku iya nerang, tetiap kaban KHM ulih mantu nyadung penerang perintah sereta ngenegapka agi kaul penyerakup ba raban bansa di nengeri tu.
“Ba konteks maya diatu, aku pechaya KHM ulih mantu nyadung penerang ti bekaul enggau penyakit COVID-19 ngagai mensia mayuh kandang menua tu.
“Tu kelebih agi ba pekara sentang chara nyeliahka diri ke patut diambi nengah pelasar media rama,” ku iya.
Iya madah munyi nya maya bejadika pengerami ‘Gong Xi Fa Cai @ Komuniti 2020’ ke diatur Opis Pemadah
Ba konteks maya ke diatu, aku pechaya KHM ulih mantu nyadung penerang ti bekaul enggau penyakit COVID-19 ngagai mensia mayuh ba kandang menua tu.
Andrew Wong Ling Biu
Kaban Parlimen Sarikei
Malaysia di Sarikei, malam ensanus.
Nangkanka nya, Andrew madah bisi penerang ti diterima nengah media rama nya dipeda lebih ngagai berita ti narit ati aja sereta bedau temu pengamat berita nya.
“Nya kebuah, aku ngansak mensia mayuh ngambika nentuka pengamat sesebengkah berita ti diterima sida dulu sebedau pechaya ke nya sereta nyadung penerang nya ngagai orang bukai,” ku iya baru.
Berebak enggau nya, Direktor Pemadah Nengeri Sarawak Swady Guliling ba jaku iya madah, tuju program tu iya nya dikena ngenegapka agi penyerakup, pengelikun enggau pengelantang ba rayat ti bisi mayuh bengkah pupu bansa, jalai pengarap sereta budaya.
“Nengah pemisi lebih 1,700 KHM ti ditumbuhka di serata menua tu, nya ulih nyadi komunikator ti manah dikena mantu nyadung polisi perintah,” ku iya nerang.
Sama bisi datai, Direktor Nengeri Sarawak Aziz Abdul Rahman, Pemesai Opis Pemadah Pelilih Menua Sarikei Joseph James sereta chairman KHM bagi menua Sarikei.