Perintah Sarawak chakah ngintu pengelantang pendiau rayat
Ari baruh pegai GPS mayuh macham bantu udah diberi baka MRP-PPRMS dikena nentuka rayat terus ngasaika pengelantang
BINTULU: Perintah Sarawak ari baruh pegai Gabungan Parti Sarawak (GPS) deka terus ngintu pengelantang pendiau sereta pengelikun rayat di nengeri tu ke udah meri mayuh macham bantu nengah Projek Mit Menua Pesisir (MRP).
Menteri Muda ba Opis Kepala Menteri (UndangUndang enggau Adat Bumiputera) ti mega Kaban Kunsil Nengeri (ADUN) Kakus Datuk John Sikie Tayai madah, bantu ti diberi nya kelai perintah Sarawak ari baruh pegai Kepala Menteri Datuk Patinggi Abang Johari Tun Openg ngamatka semaya sereta nyaga pengelantang rayat di nengeri tu.
“Entara MRP nya baka program ngangkatmanah rumah rayat seranta Sarawak (MRP-PPRMS) ti udah diberi berenggat lalu ti diduluka iya nya meri ngagai peranak di rumah panjai ke endang ditemu begunaka projek nya nyeruri
Entara MRP nya baka program ngangkatmanah rumah rayat seranta Sarawak (MRP-PPRMS) ti udah diberi berenggat lalu ti diduluka iya nya meri ngagai peranak di rumah panjai ke endang ditemu begunaka projek nya nyeruri rumah sida enggau lengkas tauka ungkup rumah panjai ti benung digaga.
Datuk John Sikie Tayai
Menteri Muda ba Opis Kepala Menteri (Undang-Undang enggau Adat Bumiputera)
rumah sida enggau lengkas tauka ungkup rumah panjai ti benung digaga.
“Ba sitak DUN Kakus bisi 12 buah rumah panjai enggau 159 pintu bilik ti nerima MRP-PPRMS sepenyampau RM450,100 semua nya,” ku iya maya ti bejadi pengerami nyuaka projek nya ba Opis GPS DUN Kakus kemari.
Nitih ku iya, tu iya nya projek renggat keterubah
taun 2019 ti ngaul pengawa nyua kereban berumah baka atap, batu bata enggau semin ari perintah nengeri Sarawak nengah GPS.
Ku iya, DUN Kakus iya nya kandang menua ti besai lalu nya ngaul 400 buah rumah panjai ke lalu bantu nya patut diberi berenggat laban palan pengentap peranak di kandang menua nya ti jauh sereta betabur.
“Penerima bantu ke sama ungkup renggat kedua taun nyin kemari mega sama diberi lalu pengawa nyuaka bantu nya diteruska taun tu (2020) lalu ngarapka peranak dia ulih bejalaika pengawa ngangkatmanah rumah panjai tauka genturung pendiau sida enggau manah sereta beripai.
Sama datai dalam pengerami nya bini John Sikie, Datin Melia Gelen, Penghulu Micheal Agul, Penghulu Alister sereta 150 iku peranak di kandang menua nya baka tuai rumah sereta Koniti Pemansang enggau Pengelikun Genturung Pendiau (JKKK) rumah panjai.