Industri kapal, universiti di menua tu patut bekerejasama
Dikena nentuka pemansang industri nya seriris enggau ubah dunya, ulih nyungkak tikas ekonomi Sarawak sereta menua tu
SIBU: Kaban Parlimen (MP) Sibu Oscar Ling madahka industri ngaga sereta nyeruri kapal patut nempa kerejasama enggau universiti di menua tu dalam pengawa ngemansangka industri nya.
Iya madahka kaul kerejasama tu deka mantu industri ngaga kapal di Sibu ngambika ulih besemekih ba selampur dunya.
“Industri ngaga kapal iya nya siti ari sektor ti meri penatai pemisi ke besai ngagai ekonomi Sarawak enggau
Industri ngaga kapal iya nya siti ari sektor ti meri penatai pemisi ke besai ngagai ekonomi Sarawak enggau menua tu.
Oscar Ling
MP Sibu
menua tu.
“Kitai meda mayuh menua mansang udah ngena AI (Artificial Intelligence), tang kitai bedau bisi teknologi nya di Sibu.
“Kerejasama tu deka meri pemaik ngagai kededua raban laban universiti di menua tu enda ngembuan belanja ti chukup dalam ngaga pengawa pansik,” ku iya.
Ling madah munyi nya ba Pengerami Makai Lemai Angkat Sumpah Komiti Gerempung Kapal Sibu (SSA) enggau Taun Baru China 2020 ti diatur ba sebuah hotel tebilang ditu bedau lama ti udah.
Iya nemu industri ngaga kapal ti betapi enggau mayuh pemar kelebih agi ba dunya ti benung berubah, nya alai, industri tu mesti seruran ngerundingka chara deka mutarka penanggul tu.
Nitih ku iya, perintah besai seruran ngemansangka industri tu enggau belanja ungkup sida ti deka beranakka puku dalam teknologi baru dikena nyungkak pemansang industri sida empu.
“Ambika chunto, nyema bisi teknologi baru ti dikena dalam industri tu lalu kita deka betanam puku, tang nadai belanja ti chukup. Kita ulih ngaga peminta nyali duit ti udah disediaka perintah dikena ngemudahka kita beranakka puku dalam teknologi nya,” ku iya.
Ling mega udah madahka agih belanja sepenyampau RM5,000 ngagai gerempung nya.
Beserimbai enggau nya, Residen Sibu Charles Siaw dalam jaku pengelalu iya madahka, industri ngaga enggau nyeruri kapal patut terus dichakahka agi tikas pengulih nya enggau teknologi moden.
“Kebendar nya, industri tu patut nemu iya nya transfomasyen digital ukai bekaul pengawa ngubah semua utai nyadi digital. Tu iya nya bekaul enggau ubah pengawa dagang ari atas ke baruh ti ngena teknologi enggau engkeman setipak enggau batang tuju strategik,” ku iya nerang.
Pengerami angkat sumpah komiti baru SSA nya udah ngayanka Ting hua Ang dichiri nyadi chairman baru ti nganti Ngieng Ping Sing.
Sama bisi dati iya nya chairman pengatur Lau Choo Kuang sereta MP Lanang Alice Lau.