Pemisi Rumah Sarawak pelasar dikena mantu lebuh sakit tauka bisi pemati
KUCHING: Pengelantang pendiau rayat Sarawak di Semenanjung nadai dikelaung nengah pemisi Rumah Sarawak ti nyadi pelasar dikena mantu sida ti begunaka bantu kelebih agi ari raban ti kurang pemisi.
Kaban Parlimen (MP) Petra Jaya Datuk Seri Fadillah Yusuf madah, anak Bumi Kenyalang ti diau di Semenanjung ulih madah ngagai Rumah Sarawak enti begunaka bantu kelebih agi sida ti sakit tauka enti bisi pemati.
Kaban Parlimen Petra Jaya
Penyanding penemu Sarawak Volunteer, sida tau betelefon ngagai pemesai ti megai pengawa ke bekaul pengelantang pendiau di Opis Kaul Sarawak iya nya Dayang Norhashimah enggau pengari Sarawak Volunteers, Mohd Reza Abd Rashid tauka ulih betanya ngagai Opis Pengintu Pengelantang Mensia Mayuh (JKM) Sarawak.
“Semanjai taun nyin tadi (2019) bisi 201 iku pesakit enggau kaban belayan rayat Sarawak ti bisi ba Institut Jantung Negara (IJN), Sepital Kuala Lumpur, Sepital
Sungai Buloh, Sepital Selayang, Sepital Serdang, Sepital Putrajaya enggau Sepital Ampang nerima bantu ari Perintah Nengeri,” ku iya.
Iya madah munyi nya maya bejaku ba Pengawa Licha Pengelantang Pendiau Rayat Sarawak Begulai urung 100 iku pengari Gerempung Ukai Dikuasa Perintah (NGO) sereta nembiak palan pelajar tinggi (IPT) Sarawak ba Lembah Klang, di Kuala Lumpur malam Hari Lima.
Ku Fadillah, semanjai taun 2019 mega perintah nengeri
Semanjai taun nyin tadi (2019) bisi 201 iku pesakit enggau kaban belayan rayat Sarawak ti bisi ba Institut Jantung Negara (IJN), Sepital Kuala Lumpur, Sepital Sungai Buloh, Sepital Selayang, Sepital Serdang, Sepital Putrajaya enggau Sepital Ampang nerima bantu ari Perintah Nengeri.
Datuk Seri Fadillah Yusuf
Sarawak ti bekerejasama enggau Opis Kaul Sarawak Kuala Lumpur tauka Rumah Sarawak enggau Sarawak Volunteers udah mantu sereta ngurus 49 kes pemati.
Ku Fadillah, tu mungkur belanja ngurus pengawa nya sepenyampau RM157,750.
Berebak enggau nya, iya minta kerejasama ari semua nyengkaum Gerempung Ukai Dikuasa Perintah (NGO) endang dikelalu amat besaup mantu enti nyema bisi kes ti mungkur rayat Sarawak ke begunaka bantu.
“Opis Kaul Sarawak Kuala
Lumpur (PSKL) tauka Rumah Sarawak nengah kerejasama NGO ti mantu nentuka proses nya dipejalaika enggau mujur sereta manah.
“Pia mega, ungkup kes ti enda ulih pulai enggau nadai palan pengentap, perintah nengeri udah mantu dua kes kena 2019,” ku iya nambah.
Program enggau licha nya keterubah diatur entara ke bukai tuju dikena meri penerang sereta bekunsi enggau NGO nyengkaum enjensi ti bekaul.
Entara ke bukai iya nya Gerempung Pengelantang Pendiau Song-Kapit Kuala Lumpur, Gerempung Transformasyen Dayak (TRADA), Pasar Borneo Seri Kembangan, Gerempung Anak Borneo Semenanjung, Diaspora, Hikmah-KL, Gerempung
Anak Limbang, Yayasan Limbang, Pemesai PPSKL, pengari Yayasan Sarawak, Pengari Opis Pengintu Pengelantang Mensia Mayuh Wilayah Persekutuan enggau Nengeri Sarawak sereta pengari gerempung nembiak Sarawak IPT ngelingi Lembah Klang.
Ba awak nya, Fadillah mega meri terima kasih sereta muji pengawa ke diatur PPSKL enggau Sarawak Volunteers nengah kerejasama JKM Sarawak sereta JKM Wilayah Persekutuan Kuala Lumpur ti udah mantu kes tu ti mungkur rayat Sarawak.
“Dikearap ari bantu tu ulih ngelempungka mimit tating penusah ti ditapi pesakit enggau sida sebilik nya,” ku iya.
Kelimpah ari nya, Fadillah madah, tetiap kes diripotka deka dipansik sebedau bantu ulih diberi ngagai penerima dikena nyeliahka sebarang penanggul meri bantu ngagai peranak Sarawak ti begunaka nya.
Ba pengawa nya, licha sentang bantu pengelantang pendiau ungkup rayat Sarawak di Semenanjung disuaka Pemesai Pengelantang Pendiau JKM Wilayah Persekutuan Azizan Aziz enggau Pemesai Pengelantang Pendiau Mensia Mayuh Sarawak Abu Bakar Bujang.
Sesi dialog mega bisi diatur begulai enggau Fadillah, Azizan, Abu Bakar enggau Pemesai Kaul PPSKL, Awang Supian Awang Daud ti nyadi orang ke nyaut timbal ba semua tanya ti bisi dibantaika.