Kerejasama PM, KM ngemansangka pelajar di Sarawak dipuji
Pekara nya dipandang maya seduai mantaika pakej PRIHATIN enggau Pakej Bantu Khas Sarawakku Sayang, ku Ahmad
KUCHING: Perintah nengeri enggau besai ngayanka chara tau begulai manah ba pengawa ngangkatka pemansang menua kelebih agi Sarawak tu ari sukut pelajar.
Presiden Gerempung Pengajar Bumiputera Sarawak (KGBS), Ahmad Malie madahka pekara nya diayan sereta diberi fokus kededua perintah tu dalam Pakej Rangsangan Ekonomi Prihatin Rakyat (PRIHATIN) enggau Pakej Bantu Khas Sarawakku Sayang.
Kededua pakej nya ditumbuhka berindik ari pengibuh perintah besai enggau nengeri ti ulih meretika empas COVID-19 sereta Atur Nagang Pemindah (PKP) dipejalaika dikena nagang pengelekai virus nya.
“KGBS meda gaya kerejasama perintah nengeri Gabungan Parti Sarawak (GPS) ari baruh iring Kepala Menteri (KM) Datuk Patinggi Abang Johari Tun
Presiden Gerempung Pengajar Bumiputera Sarawak (KGBS)
Openg enggau perintah besai Perikatan Nasional (PN) ari baruh iring Menteri Besai (PM) Tan Sri Muhyiddin Yassin, iya nya kerejasama pemereti ati ti tegap laban kededua ketuai nya sama fokus ngagai isu pelajar di Sarawak kelebih agi bekaul enggau infrastruktur sereta pengawa ngemanahka sekula ti udah balat tuai enggau repuk di nengeri tu.
“Maya mantaika pakej PRIHATIN apin lama, Menteri Besai madahka ungkup belanja dikena ngemanahka sekula ti udah balat tuai enggau repuk di Sarawak enggau ungkus belanja sepenyampau RM350 juta.
“Pekara ke dibantaika nya (perintah besai) ditegapka agi enggau sukung perintah GPS Sarawak ti mega ngungkupka RM1 bilion dikena ngemujurka tuju ti sama, ti dipadahka iya maya Program Naratif COVID-19 ti dipacharka terus nengah RTM apin lama,” ku iya.
Ahmad ti mega chairman Kongres Kesatuan Pekerja-Pekerja Sektor Awam Nengeri Sarawak (CNS) madahka pekara tu ngagai Utusan Borneo, lebuh ti ngenang pasal kededua pakej ti nyengkaumka pemansang pelajar di nengeri tu.
“Tu nyata amat mandangka kededua ketuai (PM KM) tu tau begulai manah ba pengawa ngerembaika pemansang menua tu ari sukut pelajar.
“KGBS amat ngarapka kerejasama kededua ketuai tu deka terus tegap ti enggau tuju ke pemansang menua kelebih agi ti mungkur infrastruktur pelajar di Sarawak.
“Laban pemereti enggau penegap kaul tu mega deka ulih ngenyampatka pengeran deka ngaga enggau ngemanahka baru sekula ti udah balat tuai enggau repuk di Sarawak,” ku iya.
Kebuah pia, laban langgur deka ngaga enggau ngemanahka baru sekula ti udah balat tuai enggau repuk udah kelalu lama dipadahka di serata nengeri.
Berindik ari pekara nya ku iya, KGBS amat ngarapka projek ti bekaul tu ulih dikeamatka enggau lengkas ngambika bala pengajar enggau nembiak sekula ti bekaul nya ulih ngasaika pengelantang perengkaguna sekula ti kondusif sebaka enggau sekula bukai.
Kelimpah ari fokus ngagai pemansang sekula ti udah balat tuai enggau repuk, KGBS mega ngarap sereta minta perintah besai nengah
Opis Menteri Pelajar Malaysia (KPM) ngungkupka belanja dikena ngangkatka kualiti pemanah bungkur arus internet sereta infrastruktur baka bekal elekterik begrid enggau bekal ai beresi enggau lengkas.
KGBS madah munyi nya laban agi bisi sekula ke bedau ngasaika infrastruktur nya.
“Enti bisi infrastruktur nya KGBS arap bendar ulih nempa pelajar ti komprehensif sereta lebih inklusif ba sekula ti ngujungka ulih mantu ngangkatka penyulut pelajar enggau manah agi,” ku iya.
Nay alai, iya meri puji ngagai kededua pemesai perintah besai enggau nengeriti ulih nempa pemereti enggau penegap ke pemanah menua enggau rayat kelebih agi.
Kededua perintah besai enggau nengeri ke tau begulai manah tu mega deka ngemuntangka ngatur pengawa entara sekula enggau perintah sekalika ba renggat nengeri tauka perintah besai.
KGBS meda gaya kerejasama perintah nengeri Gabungan Parti Sarawak (GPS) ari baruh iring Kepala Menteri (KM) Datuk Patinggi Abang Johari Tun Openg enggau perintah besai Perikatan Nasional (PN) ari baruh iring Menteri Besai (PM)Tan Sri Muhyiddin Yassin, iya nya kerejasama pemereti ati ti tegap laban kededua ketuai nya sama fokus ngagai isu pelajar di Sarawak kelebih agi bekaul enggau infrastruktur sereta pengawa ngemanahka sekula ti udah balat tuai enggau repuk di nengeri tu.
Ahmad Malie