Bantu mata duit sepenyampau RM250 nya deka berengkah dibayar ari bulan April nyentuk September 2020
KUCHING: Bantu Khas Sarawakku Sayang (BKSS) ungkup rayat Sarawak kategori bepenatai pemisi mit raban B40 deka nerima bantu mata duit ninting bulan sepenyampau RM250 dalam timpuh enam bulan, kena 15 haribulan berengkah ari bulan April nyentuk September 2020.
Sekretari Perintah Nengeri, Datuk Amar Jaul Samion madah, bisi urung 430,000 rayat Sarawak deka nerima bantu nya ti enggau tuju dikena ngelempungka tating raban B40 nya napi empas
COVID-19.
Ku iya, dikena nentuka bantu nya ulih diberi nitihka atur sereta efisyen, perintah nengeri nyendiaka dua chara iya nya penerima ti bisi akaun bank enggau penerima ti nadai akaun bank.
“Ngagai penerima ti bisi akaun bank berejista, bantu deka dipasukka ke dalam akaun bank penerima tetiap15 hari bulan dalam timpuh 6 bulan berengkah ari bulan April ngagai September 2020.
“Lebih ari 23,000 penerima bantu ke nadai akaun bank
Sekretari Perintah Nengeri berejista deka diberi nengah Pampang Opis Perbendaharaan Negeri ti semak enggau alai penerima bantu diau.
“Lalu ke nadai akaun bank deka nerima nengah dua renggat iya nya Renggat Keterubah, 15 ngagai 30 April enggau Renggat Kedua, 15 ngagai 30 Ogos 2020,” ku iya nengah penerang berita, kemari.
Nitihku ripih penerima bayar bantu BKSS iya nya ripih penerima Bantuan Sara Hidup (BSH) ba bulan Januari 2020 ti dikemendarka Opis Asil Dalam Nengeri Malaysia (LHDNM).
Nya alai, enda ibuh nganjung peminta ungkup BKSS, ku iya. Berindik ari pengelekai COVID-19, rayat Sarawak diperansang bebayar ngena Sarawakpay.
“Perintah Sarawak meransang ngambika bebayar ngena SarawakPay kelebih agi maya pengelekai igi penyakit COVID-19,” ku iya.
“
Ngagai penerima ti bisi akaun bank berejista, bantu deka dipasukka ke dalam akaun bank penerima tetiap15 hari bulan dalam timpuh 6 bulan berengkah ari
” bulan April ngagai September 2020.
Datuk Amar Jaul Samion