SDRF nerima pemeri ari dua buah kompeni

KUCHING: Tabung Ngelempungka Penusah Ngenyit Nengeri (SDRF) nerima pemeri belanja RM290,000 ari dua buah kompeni, dikena mantu ketegal empas ari COVID19 di nengeri tu.

Pemeri nya disuaka Mandal Chairman dua buah kompeni nya Hubline Berhad enggau Supreme Consolidate Resources Bhd, Datuk Richard Wee ngagai Chairman SDRF ti mega Sapit Kepala Menteri Datuk Amar Dougals Uggah Embas, ke mega nyadi Chairman Komiti Mutarka

Penusah Ngenyit Nengeri (JPBN) Sarawak, ba Wisma Bapa Malaysia, kemari.

Hubline Berhad ti bisi pemerat dalam industri kapal meri RM150,000 ngagai SDRF dikena nyendiaka bekal perubat enggau kereban ke pemadu beguna ungkup profesional penyaga pengerai enggau rintai mua ti berisiko ngelaban pandemik.

Ari penyampau RM150,000 nya nyengkaum diberi kompeni nya sepenyampau RM100,000 enggau diberi direktor kompeni nya, Richard Wee,

Royston Ling enggau Dennis Ling.

Nambahka nya, Supreme Consolidated Resources Bhd,sebuahkompenibekaul enggau import, pengawa dagang enggau nyadung produk beku, chelap, tusu enggau pemakai rangkai meri RM140,000 ti nyengkaum RM40,000 ari direktor kompeni nya Richard Wee enggau Lim Ah Ted.

Pemeri nya deka dikena meri bekal perengka dikena berubat ti beguna enggau kerejasama SDRF.

“Kompeni ngarapka pemeri deka ulih mantu ngurangka tating perintah nengeri enggau Opis Menteri Pengerai (KKM) meli kereban perubat, ubat, enggau barang perubat ke bukai.

“Kami ngarapka pemeri ti mimit tu deka meransang mayuh agi kompeni Sarawak sama besaup enggau perintah nengeri kitai dalam napi krisis COVID-19 ti enda kala nyadi sebedau tu.

“Pengawa ti baka tu iya nya solidariti ngagai penusah tauka penanggul ti ditapi rayat maya Atur Nagang Pemindah,” ku Richard Wee.