Berindik ari pandemik COVID-19, mayuh SOP udah ditetapka dikena nentuka igi penyakit tu ulih dipunaska
KUCHING: Atur Nagang Pemindah (PKP) enggau Atur Nagang Pemindah Nitihka Penetap (PKPB) ketegal pandemik COVID19 udah mayuh ngubah chara idup rayat. Nengah atur tu mega udah disediaka Prosedur Operasyen Standard (SOP) ba semua palan lalu pia mega maya pengerami hari besai.
“PKP enggau PKPB ti dipejalai berindik ari pandemik COVID-19 tu udah meri empas ngagai chara idup kitai. Tu mega nyengkaum maya ngintu pengerami hari besai ti minta kitai semua bejalaika pengidup enggau ‘norma’ baru.
“Enda tau ngatur program nerima pengabang lalu pengerami tu semina ulih diintu diri sebilik aja enda lebih ari 20 iku,” ku Menteri Perengka Pengangkut Datuk Lee Kim Shin.
Menteri Perengka Pengangkut
Berebak enggau nya, iya mega madahka pengerami Hari Gawai ti diintu raban bansa Dayak lebih agi di Sarawak patut ngemeranka SOP ti udah ditetapka ari baruh pentin PKPB.
“Taja pia, kitai ulih terus ngintu pengerami Gawai Dayak tu ngena teknologi ke bisi. Diatu udah bisi perengkaguna telekomunikasyen lalu kitai ulih ngena telefon binching nganjung pesan Hari Gawai ngagai kaban belayan sereta bala bakih.
“Kelimpah arinya, bisi mega aplikasyen dikena ngerapitka kaul maya musin pengerami tu baka ngaga ‘video call’ enggau bala ti dikesayau,” ku iya seraya nambah madahka taun tu kitai ngintu pengerami eGawai lalu ulih terus ngemeranka kaul ti manah, bebasaka pangan diri sereta beserakup entara pupu raban bansa ti bebida jalai pengarap enggau main asal.
Iya ke mega Kaban Kunsil Nengeri (ADUN) Senadin madahka pengerami hari besai ti mayuh diintu raban bansa di Sarawak nyadi pelasar ti engkeman dikena ngenegapka kaul entara pupu bansa, penyerakup, bebasaka pangan diri sereta pengelantang.
“Aram mih kitai terus ngenegapka kaul entara peranak Sarawak nengah kerejasama sereta solidariti,” ku iya nandu.
Beserimbaienggaupengerami Hari Gawai tu, Lee madahka diri bisi ngambi video iya empu meri pesan Gawai ngagai semua bala bakih ti ngintu pengerami tu.
“Aku mega bisi ngerikod diri Ngajat lalu nganjung video nya ngagai semua kaban belayan, ketuai komuniti sereta bala bakih ke bukai. Aku bisi mega ngengkahka video nya ba akaun media rama ‘Facebook’ aku empu.
“Ba taun sebedau tu, nyema aku ngulu pengawa ngabang, aku suah disuruh ngajat. Mesti sida lelengauka aku ti ngajat lalu ngarapka semua teperindang enggau video aku ngajat nya.
“Enggau peluang tu aku deka meri Selamat Hari Gawai, Gayu Guru, Gerai Nyamai, Lantang Senang. Diau ba rumah, jaga pengelikun diri lalu jaga pengerai,” ku iya nengah penerang berita kemari.
PKP enggau PKPB ti dipejalai berindik ari pandemik COVID-19 tu udah meri empas ngagai chara idup kitai. Tu mega nyengkaum maya ngintu pengerami hari besai ti minta kitai semua bejalaika pengidup enggau ‘norma’ baru.
Datuk Lee Kim Shin