Semina 50 peratus kapasiti gerija dikemendarka dikena
Nya patut belalauka prosedur operasyen standard (SOP) ti ditetapka sereta patut dititihka
Nya kebuah kitai bisi komiti, kitai endang bisi raban pengereja pengawa meresa, tang ke pemadu beguna iya nya semua atur ba endur nya sama beguna, laban nya ke pemanah sida, ke pemanah ruang bilik , ke pemanah kaban gerija enti terus ngemeran sereta ngemeratka SOP.
KUCHING: Semua gerija dilalau nentuka penyampau dalam gerija enda lebih ari 50 peratus ari kapasiti tauka pemesai begunan nya.
Sapit Kepala Menteri, Datuk Amar Douglas Uggah Embas madah, nya nyengkaum gerija ke dibuka ba lot kedai tauka ba begunan ke enda sama.
“Taja pan bisi penyampau (dalam gerija) ti udah ditetap sereta diputuska, tang enti alai nya mit, semina 50 peratus dikemendarka dikena.
“Kitai endang suah napi pemar ba pengawa neritka atur, ukai semina ba gerija tang ba semua premis ekonomi.
“Nya kebuah kitai bisi komiti, kitai endang bisi raban pengereja pengawa meresa, tang ke pemadu beguna iya nya semua atur ba endur nya sama beguna, laban nya ke pemanah sida, ke pemanah ruang bilik , ke pemanah kaban gerija enti terus ngemeran sereta ngem
Datuk Amar Douglas Uggah Embas
Sapit Kepala Menteri
eratka SOP,” ku iya.
Uggah ti mega Chairman Komiti Mutarka Penusah Ngenyit Nengeri Sarawak (JPBN) madahka pekara nya, lebuh ditanya ba aum pengarang berita COVID-19 Sarawak ti diatur ba Begunan DUN Lama ditu, kemari.
Sebedau tu, JPBN kala madah semua gerija di nengeri tu dikemendarka dibuka baru berengkah 20 Jun 2020.
Pengawa muka baru gerija nya patut belalauka prosedur operasyen standard (SOP) ti ditetapka, sereta patut dititihka.
Sama bisi ba aum pengarang berita nya kemari Menteri Kaunsil Kandang Menua enggau Pengawa Berumah Dato Sri Dr Sim Kui Hian sereta sida ke bukai.