Saribas begunaka agih belanja besai kena mutarka penanggul ampuh bah di Debak

DEBAK: Saribas begunaka agih belanja besai kena mutarka penanggul bah tunggal ti nyadi ba sekeda genturung pendiau baka di kampung Melayu Debak enggau Bungin.

Bah tunggal ke nyadi ketegal ujan bangat ke enda ngengetu pengelama beberapa hari apin lama,udah ngenusahka sekeda genturung pendiau baka Kampung Babu, Kampung Bungey, Kampung Lalang di Debak nyengkaum Kampung Bungin enggau Kampung Mangut.

Ketegal nya, ADUN Saribas, Mohammad Razi Sitam ngansak perintah

Sarawak nengah ejensi Opis Parit enggau Entali Ai (JPS) ngungkupka belanja khas kena ngangkatmanah sistem parit, penekat enggau entali ai ke patut ba endur nya.

“Aku ngarapka perintah Sarawak fokus mantu rayat di DUN Saribas ngambika badu napi penanggul bekaul enggau ampuh bah.

“Sebedau tu mega, aku udah betemu enggau Kepala Menteri Abang Johari Tun Openg mantaika perambu mutarka penanggul ampuh bah ba genturung pendiau ke bekaul, ti suah ampuh bah tauka ketegal ai pasang besai.

“Penerang sentang perambu nya udah dikenataika Direktor JPS Sarawak Datu Chok Moi Soon enggai Injinir JPS Bagi Menua Betong, Bartholomeu Emily Ayu.

“Tuju perambu tu beguna amat kena mutarka penanggul ampuh bah ke suah nyadi ketegal ujan bangat ke alai ai melema ngagai endur ke baruh.

“Nya mega nyengkaum merangkumi nambah manah sistem parit di genturung pendiau nya,” ku iya.

Berebak enggau nya, tikas ai ti niki ngenyit udah ngujungka enam Kampung

Melayu baka Kampung Bungey Hulu, Kampung Bungey Hilir, Kampung Babu Hulu, Kampung Babu Hilir, Kampung Lalang Hilir enggau Kampung Lalang Hulu Debak sekali agi ampuh bah apin lama udah.

Nya udah ngenusahka urung 650 buah rumah ba genturung pendiau nya, sereta ngirauka ati peranak dia ti suah napi penangul ke sama.

Kepenudi endar nyadi iya nya nyerumba ‘Syawal’ tu tadi enggau ujung Syawal ti meri penusah ngagai peranak ba genturung pendiau nya.