Angela ngansak Zuraida ngamatka semaya deka ngaga 108 balai bomba di menua pesisir Sarawak
SIBU: Parti Keadilan Rakyat Pampang Julau ngansak Menteri Pengawa Berumah enggau Kunsil Kandang Menua, Zuraida Kamaruddin ngamatka semaya deka ngaga 108 balai bomba kategori E di menua pesisir Sarawak.
Ketuai Indu pampang nya, Angela Baca madahka Zuraida patut ngenyampatka pengawa ngaga balai bomba nye kena nentuka kes penusah angus di menua pesisir ulih diputarka enggau lebih efektif.
Ku Angela, penusah angus suah nyadi mimpi jai ngagai peranak di menua pesisir laban irauka penusah nya nyadi ba sida.
“Nyawa peranak di menua Sarawak sempama baka ‘asaika diau ba baruh punggu’ laban sebarang maya nyawa,endur diau, reta tengkira sida tau lengis magang nyema bisi nyadi penusah angus,” ku iya.
Iya m adah munyi nya nengah Facebook iya empu kemari.
Ku Angela, ari bulan Januari nyentuk Mei taun tu aja, penusah angus ke nyadi di menua pesisir udah ngerikod pengerugi ti dianggarka manggai RM2 juta.
Ku iya, bisi 38 pintu rumah panjai dirikodka udah lengis angus.
Penusah rumah angus nya ku iya, majak nyadi lalu kena 5 Ogos tu t adi sebuah Blok buding SK Sebauh mega udah angus.
“Ke pemadu baru iya nya Rumah Chat, Nanga Bilat ke urung 20 kilometer penyauh ari pasar Julau.
“Balat ngenyinuka ati laban pelilih Julau n adai dalam rintai nya lebuh MP Julau, Larry Sng Wei Shien nanya sentang berita ke pemadu baru bekaul enggau 108 balai bomba kategori E baka ti disemayaka suba,” ku iya.
Nya kebuah, iya sekali agi ngansak ngambika pengawa ngaga balai bomba ba kandang menua pesisir ulih dikeamat baka ke disemaya.