Pengawa ngaga Sepital Sri Aman ditangguh ketegal kurang pekereja
Sepital baru Sri Aman ke digaga ngena ungkus RM180.8 juta ti disadang berengkah dibuka dalam bulan Jun taun baru: Aaron
SRI AMAN: Sepital baru Sri Aman ke digaga ngena ungkus RM180.8 juta ti disadang berengkah dibuka dalam bulan Jun taun baru, tang ditangguh abis nadai enam bulan agi ketegal sekeda pekara ti enda ulih diseliahka, pia ku Sapit Menteri Pengerai II, Datuk Aaron Ago Dagang kemari.
Ku iya, kereja ngaga sepital nya diatu udah tembu naka 83 peratus lalu entara kebuah nangguhka nya nyengkaum pandemik COVID-19 ti ngujungka kereja ngaga nya enda ulih dipejalaika pengelama empat bulan, lalu tambah mega 500 pekereja menua luar ari China enggau Indonesia udah mulaika diri ngagai menua asal sida.
“Diatu kunteriktor enggai enda pan semina bepanggai ba pekereja menua tu empu
Diatu kunteriktor enggai enda pan semina bepanggai ba pekereja menua tu empu ke ukai mudah deka ngiga orang ti deka gawa. Sida ngagauka 290 iku pekereja menua tu tang semina 82 iku aja ke datai gawa.
Datuk Aaron Ago Dagang
Sapit Menteri Pengerai II
ke ukai mudah deka ngiga orang ti deka gawa. Sida ngagauka 290 iku pekereja menua tu tang semina 82 iku aja ke datai gawa,” ku iya madah ngagai pengarang berita pengudah ngabas palan ngaga sepital nya kemari.
Taja pia, iya madahka kunteriktor nya udah meri jamin ngagai iya, ke alai projek nya deka tembu digaga kena bulan Februari taun baru.
Kereja ngaga sepital ke disikap ngena 1,310 bilik enggau 108 katil nya, berengkah ba taun 2016.
Sepital deka nyadi perengkaguna pengerai ke beguna amat ngagai peranak ba kandang menua nya nyengkaum Lubok Antu, Simunjan enggau Betong.
Projeknya udah dikemendarka dalam taun 2007 lalu fasa keterubah pengawa meresi enggau piling ba tanah ke mungkur pemesai 20.6 hektar nya tembu digaga kena bulan Ogos 2013. — Bernama