Utusan Borneo (Sarawak)

Mayuh aktiviti dilangkar ungkup peranak menua pesisir nambahka penatai pemisi

Dikena bejalaika aktiviti tu mega begunaka tanah ti dipenggi peranak nya empu, lalu ulih dikemansan­g enggau pengawa betanam betupi komersial

-

BETONG: Perintah Sarawak merambu mayuh agi aktiviti ke bisi potensial kena mantu rayat di nengeri tu kelebih agi peranak di menua pesisir dalam nyungkak penatai pemisi sida.

Sapit Kepala Menteri Datuk Amar Douglas Uggah Embas madah, dikena bejalaika aktiviti tu, nya deka begunaka tanah ti dipenggi peranak nya empu.

Iya madah munyi nya lebuh ti bejaku ba Pengerami Nyuaka Bantu Peladang iya nya anak jani ngagai 47 iku Kaban Gerempung Orang Bekebun Kandang Menua (PPK) Saribas, Unit Ulu Paku ba Rumah Henry Ilon, Senunok, Spaoh ditu kemari.

Anak jani nya ari Opis Servis Vaterinar Sarawak ari baruh program bantu orang betupi jelu.

Beserimbai enggau nya, Uggah ke mega Menteri Betanam Betupi Moden, Tanah Adat enggau Pemansang Kandang Menua ngelangkar ngambika penerima bantu nyereta pengawa betupi komersial laban peminta ti tinggi ba jani idup kelebih

Opis Betanam Betupi ulih mekalka anak ikan ti ulih idup di menua tu baka Tengadak, Semah enggau Empurau. Ikan tu ngembuan rega ti tinggi dalam dagang.

Datuk Amar Douglas Uggah Embas

Sapit Kepala Menteri

agi lebuh musin pengerami Gawai Dayak.

Ku iya nambah, sida mega ulih ngemeranka pengawa ngena teknologi moden baka proses inseminasy­en dalam nambahka penyampau jelu tupi.

Kelimpah ari nya, entara program bukai ke ulih diperundin­g ungkup peranak menua pesisir iya nya sistem tagang (nyaga sereta ngintu ekosistem ikan) ba sungai.

“Opis Betanam Betupi ulih mekalka anak ikan ti ulih idup di menua tu baka Tengadak, Semah enggau Empurau.

“Ikan tu ngembuan rega ti tinggi dalam dagang,” ku iya nambah.

Sama bisi datai iya nya Direktor Opis Servis Veterinar Sarawak Dr Adrian Susin enggau Sekretari Politik Kepala Menteri Dr Richard Rapu.

Ba pengerami nya, Uggah mega udah ngemendark­a agih belanja sepenyampa­u RM200,000 dikena bejalaika Projek Tekat enggau Tanju Rumah Henry Ilon sereta mega agih belanja ungkup PPK Unit Ulu Paku.

 ??  ?? JELU TUPI KOMERSIAL: Uggah begulai enggau Henry (kiba) sereta Dr Adrian bejadika program nyua anak jani ngagai penerima.
JELU TUPI KOMERSIAL: Uggah begulai enggau Henry (kiba) sereta Dr Adrian bejadika program nyua anak jani ngagai penerima.

Newspapers in Malay

Newspapers from Malaysia