Opis Residen Kapit mujur ngatur woksyop ‘Pangkalan Data Digital’ Bagi Menua Kapit
KAPIT: Opis Residen Bagi Menua Kapit udah mujur ngatur woksyop ‘Pangkalan Data Digital’ Bagi Menua Kapit pengelama dua hari ti diatur ba Kingwood Hotel, Sibu kena 18 ngagai 19 Ogos iya nya kena Hari Tiga enggau Hari Empat.
Sapit Residen Bagi Menua Kapit Galong Luang ti udah ngaga ‘Pangkalan Data Digital’
Bagi Menua Kapit ke diambi ari ‘Google Earth’ lalu ngemasukka semua penerang ke silik dalam ‘online’. Ambika chunto, Rumah William Unchat bepalan ba Sungai Ulu Yong, Kapit urung 25 kilometer ari Pasar Kapit.
Lebuh dikerandau Galong madahka iya sepengelama dalam timpuh tiga taun udah bejalai nyukat pemesai kandang Bagi Menua Kapit, ti satu pertiga ari pemesai tanah ba Sarawak di ulu Sungai Rajang.
Kapit ngembuan empat buah pelilih menua iya nya Song, Kapit, Bukit Mabong enggau Belaga, dua pelilih mit Nanga Merit enggau Skim Palan Pengentap Rumah Baru Sungai Asap.
Ku Galong madah, woksyop nya udah digulu 16 iku pemesai kanan ari Opis Residen Kapit enggau Opis Pelilih Kapit. Entara sida tu iya nya Residen Kapit Nyurak Keti.
Tuju woksyop tu diatur iya nya dikena ngenuku, ngemaru enggau nembuka palan penerang digital nyentuk 31.7.2020 ti 94.7 peratus data udah tembu digaga.