Perintah nengeri chakah ngatur pengawa nyungkak sektor betanam betupi

MUKAH: Perintah nengeri benung dalam pengawa nyungkak sektor betanam betupi kelebih agi di kandang menua tebing pantai.

Kaban Kunsil Nengeri (ADUN) Daro Safiee Ahmad madah, entara nya ngenegapka potensial ekonomi.

“Berindik ari nya, mayuh chara dikena perintah dalam nyapai juluk nya,” ku iya madah ke Utusan Borneo pengudah bejadika ‘Community Extension Outreach Programme’ (CEOP) bedau lama ti udah.

CEOP nitih ku Safiee iya nya program disediaka enggau pelin ti pemadu manah ari perintah nengeri.

Tetiap pengari rayat RM1 juta ari baruh Opis ADUN, ku iya, diagihka Betanam Betupi Sarawak.

Kelimpah bantu input baka kereban, tambah agih belanja RM120,000 ungkup CEOP mega digaga nengah chara ngatur woksyop.

Nyema dipeda, perengkaguna nya lebih ari chukup lalu diatu nitihka peranak nya empu ke patut nyikap diri enggau penemu bekaul enggau pekara betanam betupi.

Beserimbai enggau nya, Safiee deka raban nembiak ngambika enda nerenak perspektif negatif bekaul sektor betanam betupi.

“Tang patut nya nyadika runding ti positif iya nya betanam betupi ngembuan pemaik ungkup semua jemah ila,” ku iya nerang.

Sama datai Pemesai Opis Pelilih Daro Bujang Rahman Seli enggau temuai dipebasa ke bukai.

NGELEMPUNGKA TATING PENUSAH: Serakup Lions Region 2 enggau Region 3 lebuh nyuaka bantu ngagai peranak Rumah Chat, Nanga Bilat, Julau, empai lama.

MANAH: Safiee (depan, tiga kiba) begulai enggau bala bukai lebuh bejadika program nya.