Bisi chalun baru deka bepilih ngarika GPS maya PRN12
Tu dikena meri awak ngagai ketuai ke biak agi bediri minta pilih ngetanka kerusi ba sitak dipegai sida: Abang Johari
PULAU BRUIT: Sekeda orang ke baru deka dichalunka ba Pengawa Bepilih Nengeri Ke-12 (PRN12) tu ila, ku Chairman Gabungan Parti Sarawak (GPS) Datuk Patinggi Abang Johari Tun Openg.
Nitih ku Abang Johari, endang udah nyadi tradisyen lebuh timpuh raban politik veteran deka nyurut kediri, sida deka meri awak ngagai orang tauka ketuai ke biak agi.
“Ambika chunto, Kaban Kunsil Nengeri (ADUN) Kelaka, Datuk Abdul Wahab Aziz udah muka jalai ungkup ketuai ke biak dikena bepilih ba sitak Kalaka.
“Tu reti nya kitai meri peluang ngagai ketuai ke biak. Kitai deka ngembing sida, laban sida tu deka neruska semua pengawa kitai,” ku iya lebuh bejaku maya bejadika
Tu reti nya kitai meri peluang ngagai ketuai ke biak. Kitai deka ngembing sida, laban sida tu deka neruska semua pengawa kitai.
Datuk Patinggi Abang Johari Tun Openg
Kepala Menteri
Program Nasih Tanah Projek Ngaga Jematan Batang Paloh semanjai 1.7 km ti beungkus RM298 juta, kilah ensanus.
Berebak enggau tu, iya ke mega Kepala Menteri Sarawak ngelalau bala ketuai ke biak ngambika seruran liat ati sereta enda nitihka emosi sida lebuh bejalaika tanggungpengawa, laban sida begunaka timpuh dikena belajar ngatur nengeri tu.
“Enti sida beguai ngambi barang lalu niki tangga enggau berumban, sida deka baka perau ti dikayuh enggau beguai.
“Perau nya deka tungkup sebedau datai ba palan ke dituju iya,” ku jaku lalau Abang Johari.
Nyempulang enggau peneleba diri iya empu, Abang Johari madahka diri diembing raban pemesai parti iya lebuh agi biak.
“Tu begunaka timpuh dikena ngelatih diri laban enda mudah ngatur nengeri ti diuan pupu raban bansa enggau jalai pengarap.
“Sida patut ngembuan peneleba lalu tu mih kebuah bisi ubah ba raban ketuai ti lama ngagai ke biak,” ku iya nyemetak.