Orang indu mesti ngambi peluang nambahka penatai pemisi
Nyereta kus ti disediaka ejensi perintah lalu tu ulih nambahka penemu sentang chara ngaga produk sereta bedagangka nya
SRI AMAN: Orang indu kelebih agi ba pelilih menua tu dipinta ngambi peluang nyereta kus ti diatur ejensi perintah ti bekaul enggau chara ngangkatka penatai pemisi ruang bilik sereta komuniti ti sama begulai.
Pemesai Opis Pemansang Komuniti (KEMAS) Pelilih Menua Lubok Antu Marinda Stewart Thaim madah, orang indu patut ngerebut semua peluang ti disediaka perintah kena mantu raban nya ngangkatka ekonomi sida empu, ruang bilik enggau komuniti ngelingi.
Nitih ku iya, ba Opis KEMAS empu bisi nyendiaka bemacham program ungkup raban tu nyengkaum nyendiaka kus ti bekaul kena nambahka penatai pemisi sida.
“Kus nya nyengkaum kus
Pemesai KEMAS Lubok Antu
pemakai, kus asil pengelandik jari ke alai semua kus ti disediaka KEMAS tu iya nya kena mantu raban orang indu nambahka penatai pemisi ruang bilik sida.
“Kami mekuh ngagai raban orang indu ti diau di rumah ke alai sida tu endang diau ba rumah aja lalu enggau awak ke bisi nya, sida ulih nambahka penatai pemisi nengah asil ke bisi ngelingi sida,” ku iya.
Iya madah munyi nya lebuh ti bejaku ba pengerami nutup Program Do It Yourself (DIY) ti diatur Opis KEMAS Pelilih Menua Lubok Antu ti diatur ba Tabika KEMAS Merindun
A, Salcra Merindun Oil Palm ditu, kemari.
Ku Marinda nambah, mayuh pedagang mit di pelilih menua tu udah mujur ngasilka produk sida asil ari penemu ti diberi sereta dikunsika KEMAS.
“Tu kebendar nya ke deka kitai, penemu ke dikunsika begulai enggau komuniti ulih terus dikerembai nyentukka sida empu mujur bulih penatai pemisi ungkup diri empu sereta ruang bilik lalu ulih dikunsika enggau komuniti ti sama enggau begulai,” ku iya nambah.
Sama bisi datai ba pengerami nutup program nya Pemantu Pemansang Komuniti Kanan, Pemansang Genturung Pendiau ba Opis KEMAS Engkilili, Rose Uggom sereta pengereja pengawa KEMAS ke bukai.
“
Kami mekuh ngagai raban orang indu ti diau di rumah ke alai sida tu endang diau ba rumah aja lalu enggau awak ke bisi nya, sida ulih nambahka penatai pemisi nengah asil ke bisi
” ngelingi sida.
Marinda Stewart Thaim