JPBBM nesau mensia mayuh ngerejista diri ngulihka vaksinasyen COVID-19

MIRI: Komiti Mu tar Penusah Ngenyit Bagi Menua Miri (JPBBM) nesau mensia mayuh ngerejista diri ngulihka tuchuk vaksin COVID19 ti dipehalaika enggau chara berenggat.

JPBBM ba sebengkah penerang kemari madah, rejista nya tau digaga nengah lima chara sekalika nengah online tauka nengah ejensi ti udah dipilih.

“Ungkup rejista Vaksinasyen COVID-19 di Bagi Menua Miri, mensia mayuh dipinta download lalu ngerejista nyadi penguna aplikasyen MySejahtera, lalu udah nya aktifka notifikasyen dalam telefon binching.

“Maya meri vaksin deka diberi nenagh aplikasyen MySejahtera lalu penerima vaksin mesti ngenataika diri ngagai Palan Meri Vaksin (PPV) ba maya ti udah ditetapka,” ku penerang nya.

Ngagai ti nadai aplikasyen MySejahtera tauka nadai tidak akses ngagai Internet, tau minta diberi vaksinasyen COVID-19 nenagh empat chara.

Antara nya nengah opis pelilih menua, nengah ketua bansa (KK), kapitan enggau tuai rumah ke deka dibantu JKKK sida.

Kelimpah ari nya, peminta megatau digaga nengah Komiti Peranak Menua (RC) (Majlis Bandaraya Miri, Opis Kunsil Pelilih Subis, Opis Kunsil Pelilih Marudi) tauka ngerejista maya jam opis buka ba klinik pengerai mensia mayuh ke besemak ungkup kandang menua ulu entigis.

Antara Klinik Kesihatan ke dipilih iya nya Ulu Teru, Long San, Long Pilah, Long Naah, Long Miri, Long Bedian, Long Kevok, Long Bemang, Long Jakitan, Long Jeeh, Long Moh enggau Long Lellang.

Sama bisi dirintai iya nya Klinik Pengerai Bario, Lio Mato,Long Banga, Pa Dallih, Taman Negara Mulu, Long Panai, Long Seridan, Long Loyang, Long Teran, Long Teru enggau Long Jegan.