Bala nembiak diperansang ngerebut peluang ekonomi
Mayuh bengkah skim betanam betupi disediaka perintah lalu sida tau nyerungkai potensial dagang dalam sektor nya
MIRI: Bala nembiak ba kandang menua ke semak enggau mengeri nyengkaum di menua pesisir di pelilih Lambir mesti berani ngerebut peluang ekonomi ke bisi nengah pengawa ngemansangka ekodagang temuai.
Kaban Kunsil Nengeri Lambir, Ripin Lamat madahka nadai guna perintah muka jalai kena ngemansang, enti rayat empu nadai inisiatif deka ngena peluang ke tebuka ungkup prospek jemah ila ke lebih besai.
“Isu nembiak nadai kereja endang pekara ke suah dikerandau lalu nyadi batang fokus ba bala graduet sekumbang timpuh pandemik COVID-19 tu.
“Kami ngaku endang mar amat sida (baru graduet) bekereja laban mayuh kompeni napi pemar ketegal penyakit sereta enda ulih ngambi pekereja baru,” ku iya maya randau nengah online bekaul Inspirasyen Nembiak ti ditaburka terus nengah channel YouTube rasmi Pustaka Sarawak enggau Facebook kena Hari Enam nyin tadi.
Randau Nengah Online Bekaul Inspirasyen Nembiak nya diatur Pustaka Miri nenagh kerejasama Serakup Nembiak Miri.
Berindik ari pemar ketegal pandemik COVID-19 tu, Ripin ke mega Chairman Kaunsil Meri Lisin Perengka
Pengangkut Dagang (CVLB) Sarawak, dekaka bala nembiak meda penanggul nya ari sukut positif.
Tambah iya,kandang menua Lambir ti tebilang enggau produk betanam betupi, bala nembiak tau nyerungkai potensial dagang dalam sektor betanam betupi.
Ku Ripin baru, mayuh bengkah skim betanam betupi udah disediaka perintah ke alai penerang bekaul bantu nya tau dipinta ba opis Palan Gawa ke Rayat DUN Lambir ditu.
“Bisi beberapa bansa bantu ti disediaka kena ngepunka pengawa betanam betupi. Ambika chunto,betanam fertigasyen iya nya skim betanam ti dibantaika perintah, lalu sida tau minta nengah Palan Gawa ke Rayat DUN Lambir.
“Mensia mayuh ke bisi ati dipelilih Lambir anang muai peluang ngerebut program betanam betupi nya. Ngarapka bala nembiak di Lambir mega ulih ngena peluang tu ngaul diri dalam bidang dagang betanam betupi,” ku iya.
Kelimpah ngaul diri dalam bidang betanam betupi kau iya, bala nembiak mega tau ngaga produk sida empu ungkup sektor dagang temuai.
“Enti nuan bisi kebun buah, nuan tau mantaika pakej dagang temuai ke manah
“
Isu nembiak nadai kereja endang pekara ke suah dikerandau lalu nyadi batang fokus ba bala graduet sekumbang
” timpuh pandemik COVID-19 tu.
Ripin Lamat
Kaban Kunsil Nengeri Lambir
t ulih meri peneleba ngagai orang ke ngelawa kebun nuan maya musim buah.
“Kelimpah ari makai buah,bisi mayuh aktiviti rekreasyen ti tau digaga nuan kena matak penatai temuai, baka nginti ba pegung, bejalai ngelantangka ati ba kebun enggau ke bukai,” ku iya.
Ke beguna amat ku Ripin, raban nembiak tu mesti berani ngerebut peluang sereta mantaika produk ti digaga nengah kreativiti enggau inovasyen sida empu.