Utusan Borneo (Sarawak)

SDEA Pampang Sibu meri insentif ngagai nembiak buding ti ngambi peresa SPM

-

SIBU: Gerempung Pengajar Dayak Sarawak (SDEA) Pampang Sibu udah meri insentif ngagai nembiak buding ti napi peresa SPM 2020 kena 23 Februari nyin tadi ba Bilik Aum Pelilih Menua Sibu, Ringkat 6, Wisma Persekutua­n Sibu ditu.

Nitih ku penerang media SDEA Pampang Sibu kemari, pengermai nya udah dipenyadi Pemesai Opis Pelajar Pampang Sibu Ahli Chikba.

Dalam jaku pengelalu iya, Ahli madah, pengawa manah SDEA tu endang meri besai reti ngagai nembiak ti begunaka bantu kena meli kereban ti diguna baka perengka enggau nulis kena betapi enggau peresa SPM 2020 tu.

Iya mega andal ati enggau penyiru SDEA Pampang Sibu ti beratka pengelanta­ng pendiau nembiak ti diau ba buding ba pelilih menua tu.

Beserimbai enggau nya, iya meri besai terima kasih ngagai Chairman SDEA Nengeri Lolita Jimmy Jalil, Tukang Wang SDEA Nengeri Harvard Nupe, Penulung Tukang Wang SDEA Nengeri David Fabian enggau Tukang Wang SDEA Pampang Sibu Sumbang Unjong.

Sama bisi datai ba pengerami tu iya nya Kaban Komiti SDEA Pampang Sibu Puten Gaong enggau Joanes Tulang.

Sekula ti nerima insentif tu iya nya Sekula Sekondari (SMK) Bawang Assan (18 iku nembiak), SMK Durin (38),

SMK Jalan Oya (12), SMK Luar Bandar Sibu No.1 (69) enggau SMK Rosli Dhoby (6).

Ba pekara ti bekaul, Aphong madahka gerempung tu udah ngatur bemacham aktiviti ninting taun kena nyungkak tikas pelajar Dayak di Sibu.

Naka ke diatu, ku iya nerang, mayuh aktiviti ti diperambu enda ulih diatur ketegal pandemik COVID19.

“SDEA Pampang Sibu chukup andal ati ngagai raban PPD Sibu kelebih agi Kaban gerempung laban udah nyukung pengawa manah gerempung tu kena ngangkatka tikas kualiti pengajar enggau pelajar komuniti Dayak di Sibu,” ku iya nambah.

 ??  ?? UNGKUP ALBUM: Bala Prinsipal enggau pengari sekula ti nerima insentif begambar ungkup kenang enggau Aahli (duduk, dua kanan), Aphong (duduk, kiba) sereta bala bukai.
UNGKUP ALBUM: Bala Prinsipal enggau pengari sekula ti nerima insentif begambar ungkup kenang enggau Aahli (duduk, dua kanan), Aphong (duduk, kiba) sereta bala bukai.

Newspapers in Malay

Newspapers from Malaysia