Utusan Borneo (Sarawak)

Perintah Sarawak bepanggai ngagai lalau NPRA bekaul enggau vaksin COVID-19

-

KUCHING: Perintah Sarawak bepanggai ngagai lalau National Pharmaceut­ical Regulotary Agency (NPRA) bekaul enggau nguna vaksin COVID-19 bansa bukai kelimpah ari Pfizer-BioNTech.

Kepala Menteri Datuk Patinggi Abang Johari Tun Openg madahka, perintah nengeri tu deka nitihka undang-undang pasal vaksin ke patut laban tu bekaul enggau nyawa rayat.

“Naka ke diatu kitai fokus ngagai Pfizer-BioNTech enggau enti nyema NPRA madah vaksin bansa bukai ulih dikena, kitai deka mansik pekara tu.

“Laban enda ngira bagi vaksin ke datai kitu patut dipesetuju tauka disukung sida raban regulatori, (kitai) nitihka undang-undang.

“Ambika banding, bisi vaksin A enggau vaksin B, enti sida ti landik sereta pandai tauka regularoti madah vaksin B enda ngeruga pengerai lalu ulih dikena, kitai deka ngena. Enti sida madah anang, kitai anang ngena laban tu bekaul enggau nyawa sereta patut dijaga,” ku iya.

Abang Johari ditanya bekaul pekara nya ba aum pengarang berita pengerami bejadi Program Imunisasi COVID-19 Nengeri Sarawak ti diatur ba Stadium

Perpaduan Negeri ditu, kemari.

Ba aum pengarang berita ke sama, Sapit Kepala Menteri Datuk Amar Uggah Embas madahka, sebengkah komiti iya nya komiti penyanding penemu meri vaksin COVID19 Sarawak mega deka meri penemu ngagai perintah nengeri tu bekaul pekara nya.

Komiti nya ku iya betuaika Prof Datu Dr Andrew Kiyu sereta 11 iku agi orang ke pandai dalam sains.

“Raban tu deka ngelalaupe­rintah nengeri bekaul enggau isu vaksin tu,” ku iya ti mega Chairman Komiti Mutarka Penusah Ngenyit Nengeri Sarawak.

Dulu ari nya, Abang Johari lebuh ti ngenang proram imunisasi nya madah, kelimpah ari bejalaika program meri vaksin ba nengeri tu empu, perintah nengeri mega bisi beratika program ti sama ti dipejalaik­a serata dunya.

Lalu bekaul enggau vaksin bansa Pfizer-BioNTech, ku iya, dipadahka vaksin tu dikena ba serata Amerika Urata, Eropah, Afrika enggau Timur Tengah sereta kimpin meri vaksin udah berengkah dipejalaik­a ba abis kurang 99 bengkah menua nyengkaum Malaysia.

“Ke rikot, kenyau ari kemari (ensanus) lebih ari 218 juta dos vaksin udah diberi ba 99 buah menua. Ripot US madah pengawa meri vaksin udah nurunka penyampau tikas kena rampit ngagai 4.6 peratus ari 9 peratus ke nadai vaksin, dalam timpuh 300 hari.

“Asil nya ngayanka iya nya vaksin ulih meri empas besai dalam ngurangka igi penyakit COVID-19 ngerampit,” ku iya seraya madah pemujur tu mega begunaka sukung nengah pengawa nitihka atur ke udah ditetapka.

Nambahka nya ku iya, ba UK, data baru ulih oranisasye­n Pengerai Mensia Mayuh England ngayanka dos keterubah vaksin Pfizer BioNTech ulih nyaga ba tikas tinggi ari rampit enggau tanda penyakit.

“Vaksin ukai ngeraika tang nyaga ari engka ulih kena rampit ti ulih mantu mutuska rentayan virus korona ari berampit.

“Aku nandu baru iya nya perintah nengeri deka terus bejalaika pekara ti engkeman kena nyaga rayat.

“Aku patut beterima kasih ngagai JPBNS kitai enggau raban terabai menua laban bejalaika kereja enggau manah. Tang ngelaban penyakit tu begunaka saup semua kitai. Aram meh kitai semua beserakup dalam perang,” ku iya seraya madah Nyaga Diri, Nyaga Semua.

Newspapers in Malay

Newspapers from Malaysia