Utusan Borneo (Sarawak)

Siku jagu pemanjai urung 10 kaki udah ditangkap peranak Kpg Sulap Lada

-

MIRI: Siku jagu dipelabaka pemanjai 10 kaki mujur ditangkap peranak ba genturung pendiau di sungai besemak enggau Kampung Sulap Lada, Bekenu ditu, malam ensana.

Berindik ari pemujur nya, raban bomba udah dikangau manstu Sarawak Forestry Corporatio­n (SFC) ngambika nanchang lalu nanggung jagu tu.

Ketuai Opis Bomba enggau Penyelamat Malaysia Zon 6 Miri Penguasa Kanan Bomba I Law Poh Kiong madah, sida nerima kangau ngenyit nya urung pukul 8 malam.

“Seraban tujuh iku bomba ari Balai Bomba enggau Penyelamat Batu Niah udah ke palan nya penyauh 21 kilometer ari balai bomba.

“Penugudah raban bomba datai di palan nya bisi dipeda siku jagu pemanjai urung 10 kaki udah ditangkap peranak genturng pendiau ba sungai ti besemak enggau Kampung Sulap Lada.

“Raban tu terus mantu sida SFC nanchang lalu nanggung jagu tu ngambika aksyen ti nangkanka nya dipejalai,” ku iya nengah penerang media kemari.

Operasyen tu tembu urung pukul 8.57 malam.

 ??  ?? DITANCHANG: Raban bomba mantu nanchang jagu ti udah ditangkap tu.
DITANCHANG: Raban bomba mantu nanchang jagu ti udah ditangkap tu.
 ??  ?? MUJUR DITANGKAP: Jagu enggau pemanjai urung 10 kaki udah mujur ditangkap peranak genturung pendiau dia.
MUJUR DITANGKAP: Jagu enggau pemanjai urung 10 kaki udah mujur ditangkap peranak genturung pendiau dia.

Newspapers in Malay

Newspapers from Malaysia