STU: Pansik enggau silik sebedau ngaga pemutus
Bekaul enggau pemutus nangguh, ngemendar sesi sekula dibuka laban tu ulih ngasuh apai indai, pengajar enggau nembiak irau
“
Tang nyema gaya menua kitai enda meruan, kitai amat ngarapka atur nangguhka sekula dipajakka ke
” pengelikun nembiak enggau pengajar.
Adam Prakash Abdullah
KUCHING: Gempung Gerempung Pengajar Sarawak (STU) ngarap pansik silik enggau betul udah dipejalaika sebedau pemutus digaga bekaul enggau nangguh tauka ngemendarka sesi sekula dibuka maya menua agi betapi enggau pandemik COVID-19.
Presiden iya, Adam Prakash Abdullah madahka ngaga pemutus berumban enggau enda konsisten ulih ngasuh apai indai, nembiak enggau pengajar irau.
“Semua pengajar enggau nembiak kebendar nya enda sabar deka neruska sesi sekula ti udah lama betangguh.
“Tang nyema gaya menua kitai enda meruan, kitai amat ngarapka atur nangguhka sekula dipajakka ke pengelikun nembiak enggau pengajar,” ku iya madah ngagai Utusan Borneo.
Ku Adam, STU sebedau tu udah minta ngambika sekula ba kandang endur berisiko tinggi ditangguhka dulu ari dibuka kena nyeliahka berampit ba nembiak enggau pengajar.
Kena 26 Februari 2021, Komiti Mutarka Penusah Ngenyit Nengeri Sarawak (JPBNS) ti bisi madah pasal
Presiden STU
nangguhka sekula ba semilan pelilih menua berisiko tinggi chukup betul sereta disambut enggau manah ari STU.
Bekaul enggau penambah 231 buah sekula ti dikemendarka beoperasyen tauka dibuka baru berengkah 8 Mac tu mega, nitihku Adam nya asil berandu sereta berunding entara JPBNS enggau Opis Pelajar Nengeri Sarawak (JPNS) pengudah udah mansik semua risiko.
Atur ngemendarka sekulasekula nya beoperasyen tauka dibuka baru, ku iya, nya mega nitihka Garis Panduan Pengurusan dan Pengoperasian Sekolah dalam Norma Baharu 2.0 ti dikeluarka Opis Menteri Pelajar Malaysia (KPM).
Ngenang pekara bukai, STU mega deka minta ngagai JPBNS ngambika semua pengajar ba Sarawak lebih dikemerat tauk dikemendarka dulu nerima vaksin COVID-19 awakka sida lebih berani tauka ransing maya bejalaika tanggungpengawa sida.
“Kami ukai minta pengelebih ngagai pengajar tang semina nyadi chara nyaga pengelikun sida enggau nembiak ti betemu sereta betungga mua enggau pengajar ba sekula,” ku iya.
STU mega minta ngambika semua pengajar nitihka atur kereja ke diatu enggau ngarapka sida nyaga diri ngena chara nitihka prosedur operasyen standard (SOP) maya ba sekula.
Ensanus, JPBNS ngaga pemutus nambahka 231 buah sekula primari ba nengeri tu dikemendarka beoperasyen tauka belajar betunga mua berengkah 8 Mac tu dibandingka 814 buahsekula primari di berengkah beoperasyen kena 1 Mac 2021.
Lalu 220 buah sekula primari baka kandang endur berisiko tinggi pengelekai COVID-19 agi ditutup nyentuk 14 Mac tok.
Atur pengawa nangguhka 220 buah sekula primari tu nyengkaum sembilan Opis Pelajar Pelilih Menua (PPD) iya nya Kuching, Padawan, Sibu, Kanowit, Miri, Meradong, Kapit, Bintulu enggau Betong.