Ngemesaika bungkur,negapka kualiti komunikasyen di Saratok
11 menara telekomunikasyen deka didirika dalam sitak Parlimen Saratok nyengkaum ba Genturung Pendiau Nyabor: Ali Biju
“
Ke penerang peranak ba Genturung Pendiau Nyabor, pemesai aku bisi udah nanyaka pekara tu ngagai SKMM Kuching lalu enggau gaga ati deka madahka projek nya ba renggat beratika tinda ti
” dipejalaika SKMM.
Ali Biju
Kaban Parlimen Saratok
KUCHING: Diperambu bisi 11 menara telekomunikasyen deka didirika dalam sitak Parlimen Saratok nyengkaum ba Genturung Pendiau Nyabor.
Sapit Menteri Kuasa enggau Pengeraja Asal ti mega Kaban Parlimen Saratok Ali Biju madah, nya kena ngemesaika bungkur enggau kualiti penyambung (komunikasyen) dalam sitak Parlimen Saratok.
Nitihku penerang Ali ba bulan Oktober 2020, iya bisi nemuai seraya bejalaika pengawa ngagai Indu Opis Wilayah Suruhanjaya Komunikasi dan Multimedia Malaysia (SKMM) ditu, sereta diberi penerang bekaul enggau projek Pelin Jalinan Digital Negara (JENDELA).
“Ungkup sitak Parlimen Saratok, bisi 11 menara telekomunikasyen dalam perambu deka didirika kena ngemesaika bungkur enggau ngenegapka kualiti komunikasyen peranak ba endur
tu.
“Siti ari nya menara telekomunikasyen deka digaga ba Genturung Pendiau Nyabor.
“Ke penerang peranak ba Genturung Pendiau Nyabor, pemesai aku bisi udah nanyaka pekara tu ngagai SKMM Kuching lalu enggau gaga ati deka madahka projek nya ba renggat beratika tinda ti dipejalaika SKMM,” ku iya nengah sebengkah penerang, kemari.
Pengudah proses tinda dipejalaika ku Ali, kunteriktor deka dichiri, lalu iya ngarapka pengawa ngaga projek tu dipejalaika enggau lengkas.
Kelimpah ari projek JENDELA ti dipejalaika nengah SKMM ku Ali, perintah nengeri mega bisi bejalaika projek nirika menara telekomunikasyen nyengkaum ba sitak parlimen ti diari ke iya.
“Dalam timpuh ti sama mega, bisi 20 menara telekomunikasyen deka didirika
Perintah Nengeri Sarawak.
“Lalu tu ngujungka penyampau semua (dalam sitak Parlimen Saratok) deka bisi 31 menara telekomunikasyen ti deka didirika.
“Enti semua projek tu tembu ila, sitak Parlimen Saratok deka bisi 56 menara telekomunikasyen lalu ari penyampau nya bisi 25 buah udah tembu didirika,” ku iya ti mega Kaban Kunsil Nengeri Krian.