Utusan Borneo (Sarawak)

BERSATU dilalau anang kiruhka raban pengawa bepilih parti PBB maya PRN12

-

KUCHING: Pampang Nembiak Parti Pesaka Bumiputera Bersatu (PBB) ngelalau Parti Pribumi Bersatu (BERSATU) ngambika anang kiruhka raban pengawa bepilih parti maya Pengawa Bepilih Nengeri (PRN) ti deka datai tu ila.

“Pampang Nembiak PBB mega nyambut manah sukung moral ti dipansutka Parti Pribumi Bersatu (BERSATU) Malaysia kena nentuka GPS ulih menang besai ba PRN ke-12 tu ila, tang ngelalau ngambika BERSATU anang kiruhka raban pengawa bepilih jenparti maya pengawa bepilih nya,” ku sida nengah penerang berita kemari.

Pampang Nembiak PBB pechaya, GPS mengkang nyadi pilih rayat Sarawak maya PRN ke-12, bepelasark­a prestasi, pemujur enggau polisi perintah ke ari baruh pegai GPS ti seruran ngenulu enggau beratka rayat.

Pampang nya mega pechaya, GPS deka bediri minta pilih ba semua 82 kerusi Kunsil Nengeri (DUN) maya PRN ke-12 sereta dikandalka rayat agi megai nengeri tu.

“Nembiak PBB deka majak bediri tegap nyukung Datuk Patinggi Abang Johari Tun Openg nyadi Kepala Menteri Sarawak.

“Nembiak PBB nyukung penuh penerang Abang Johari ke nyadi Chairman GPS lebuh ti madahka meri sukung ngagai Menteri Tan Sri Muhyiddin Yassin nyadi Menteri Besai, kena nentuka penegap di menua tu,” ku penerang nya.

Tambah mega, pemintar Tan Sri Muhyiddin nyadi ketuai ba renggat perintah besai enggau Abang Johari ba renggat nengeri, udah ngujungka isu pandemik COVID-19 diputarka enggau manah nengah chara siruka rayat.

 ??  ?? BETUCHUK DOS KEDUA: Malcom (kiba) enggau Simoi (kanan) maya ke deka betuchuk vaksin dos kedua ba Palan Nuchuk Vaksin nya, ba Dewan Suarah, Sri Aman ditu.
BETUCHUK DOS KEDUA: Malcom (kiba) enggau Simoi (kanan) maya ke deka betuchuk vaksin dos kedua ba Palan Nuchuk Vaksin nya, ba Dewan Suarah, Sri Aman ditu.

Newspapers in Malay

Newspapers from Malaysia