Rayat dipinta terus bejejaga, ngasika SOP

Alan Ling: Berindik ari kes COVID-19 ti majak nyadi di nengeri tu kenyau berapa hari ke udah

MIRI: Ahli Dewan Negara Senator Alan Ling ngelalau mensia mayuh di nengeri tu ngambika bejejaga pengudah kes COVID-19 ti majak nyadi kenyau beberapa hari ti udah.

Beserimbai enggau nya, iya minta Komiti Mutarka Penusah Ngenyit Nengeri Sarawak (JPBNS) neritka agi Prosedur Operasyen Standard (SOP) dalam pengawa ngurangka igi penyakit COVID-19 ngelekai kelimpah nurunka penyampau kes positif di nengeri tu.

Iya ke mega Sekretari Pakatan Harapan (PH) enggau Parti Tindakan Demokratik (DAP) Sarawak madah munyi nya lebuh ti nyuaka bantu sengkabung idung enggau nyawa sereta penuchi jari ngagai bala pedagang sereta mensia mayuh di Pasar Ikan Miri ke baru ti berengkah dibuka kena 15 April nyin tadi.

Bantu tu iya nya nyadika

Ahli Dewan Negara

chara tumu kena nyeliahka pengelekai igi penyakit COVID-19 berindik ari mengeri besai Miri diatu agi dalam zon Mirah lalu agi kena Atur Nagang Pemindah Bisi Penetap (PKPB).

“Aku milih palan Pasar Ikan Miri ti baru kena ngagihka sengkabung idung enggau nyawa sereta ‘sanitizer’ jari laban nyadika chara tumu nyeliahka kena rampit lalu ngemeratka risiko sida ti ulih kena rampit endang tinggi ba palan ti suah dilawa mensia mayuh,” ku Ling nerang.

Bisi 150 sengkabung idung enggau nyawa, 150 butul ‘sanitizer’ jari lalu 150 bungkus tisu udah diagihka ngagai bala pedagang sereta orang ti datai ke Pasar Ikan Miri.

Ling sekali agi ngelalau peranak ngambika seruran nyaga pengelikun sereta pengerai diri.

“Aku endang ngarapka mensia mayuh kelebih agi di kandang menua zon mirah ngambika seruran bejejaga sereta ngasika SOP ke udah ditetapka,” ku iya nambah.

Sama bisi datai, Ketuai Raban Nembiak DAP Sarawak Peter Hee, Chairman DAP Long Lama Marcus Hugo sereta Pemantu Khas Lawrence Low.

“

Aku endang ngarapka mensia mayuh kelebih agi di kandang menua zon mirah ngambika seruran bejejaga sereta ngasika SOP ke

” udah ditetapka.

Senator Alan Ling