Enda pulai ke menua maya musim pengerami ulih mantu perintah nagang pengelekai COVID-19
MIRI: Kerejasama peranak ditu ti enda mulaika diri ke menua maya musim pengerami diatu, mantu perintah nagang pengelekai rampit nya di menua pesisir.
Menteri ke megai tanggungpengawa ba Komiti Mutarka Penusah Ngenyit Bagi Menua Miri (JPBBM) Datuk Lee Kim Shin madah, jaku tangkan nya setipak enggau Atur Mindah Betagang Bisi Penetap (PKPB) di serata nengeri ti dilanjarka nyentuk 7 Jun.
“Komiti Mutarka Penusah Ngenyit Bagi Menua Miri amat beratka pekara tu. Kami enggaika COVID-19 sekali agi ngelekai ke menua pesisir tauka ke kandang menua ulu laban tu nanggul pangawa kitai mutuska rentayan pendemik tu,” ku iya.
Sida sekali agi dilalau ngambika anang mansa pelilih menua/zon sereta nitihka garis lalau ngintu pengerami ti udah ditetapka.
Bisi sebelas rumah panjai iya nya lima di Pelilih Beluru, empat di Pelilih Subis enggau dua di Pelilih Marudi udah abis timpuh atur nagang pemindah.
Dua palan ke baru amat abis timpuh nya, iya nya sebuah rumah panjai di Subis enggau sebuah sekula primari di Beluru.
Semina Rh. Genatan, Sungai Kenyalang di Subis ke mengkang diteritka atur ditagang pemindah nya.
NgintuHariGawaimaya PKPB enggau PKPD ti dikemaruka kena 19 Mei lalu dikeluarka Unit Pekara Jalai Pengarap Bukai (UNIFOR) enggau Majlis Adat Istiadat Sarawak (MAIS).
Ku Lee menambah, pemutus enda mulaika diri ke menua nya kena nyaga diri sebilik enggau kaban belayan kelebih agi orang tuai, nembiak mit, raban OKU ke bedau nerima vaksin, ari ti bisi risiko kena rampit.
Sama bisi maya nya, Chairman Komiti Mutarka Penusah Ngenyit Bagi Menua Miri ke mega Pemangku Residen Bagi Menu, Miri Abdul Aziz Mohamad Yusuf.