COVID-19: Sarawak ngerikod 718 kes baru positif, dua kes pemati
KUCHING: Sarawak ngerikod 718 kes baru positif COVID-19 enggau dua kes pemati kemari, pia ku Komiti Mutarka Penusah Ngenyit Nengeri Sarawak (JPBNS) nengah penerang berita kemari.
Ku JPBNS penyampau kumulatif kes positif pengerekai COVID-19 diatu udah manggai ngagai 56,905, lalu kes pemati dirikod kemari di Sarikei enggau Sibu, ngujungka penyampau pemati naka ke diatu naka ke diatu, manggai ba 358 kes.
“426 (59.33 peratus) kes kemari ditemu di Kuching, Sibu, Sri Aman, Tatau enggau Julau,” JPBNS.
Naka ke diatu, semina Kuching aja ke agi ngerikod tiga digit kes iya nya 157, lalu 14 pelilih menua bukai ke ngerijista dua digit kes, iya nya di Sibu (80), Sri Aman (76), Tatau (57), Julau (56), Bintulu (41), Miri (40), Song (37), Pakan (34), Kapit (28), Subis (20), Meradong (14), Bukit Mabong (14), Lundu (14), enggau Mukah (10).
Kes baru mega bisi diripot di Kabong (9), Kanowit (8), Bau (7), Asajaya (3), Sebauh (2), Dalat (2), Sarikei (2), Selangau (2), Samarahan (2), Saratok (1), Telang Usan (1), enggau di Serian (1).
Ari penyampau 718 kes baru ti bisi di ripot, urung 54 iku ti bisi beperesa pengerai mandangka tanda-tanda kena rampit pengelekai penyakit berampit COVID-19.
Kelimpah ari nya, 638 iku, udah diasuh ba palan kuarantin.
Nitihka rintai kes tu, 465 kes (sida ke diperesa bisi kaul enggau kes positif COVID-19 lalu ari penyampau nya, lima kes bisi mandangka sida iya bisi anda kena rampit Covid19); 172 kes (sida ke diperesa dalam kluster tekala tu ke benung aktif, lalu ari peresa nya, 13 kes mandangka tanda bisi kena rampit COVID-19); 45 kes (sida ke beperesa kediri empu di palan pengerai lalu semina siti aja kes ke bisi mandangka diri kena rampit COVID-19); 35 kes (sida ke beperesa di palan pengerai lalu bisi mandangka diri kena rampit COVID-19); enggai siti kes bekaul enggau siku orang ke baru pulai ari menua luar (Import A iya nya ari Iraq tang kes nadai mandangka diri bisi tanda-tanda kena rampit COVID-19).
Ba kes pemati laban COVID-19, naka kemari bisi dua pemati di ripot, iya nya di Sepital Sarikei enggau Sepital Sibu.
Kes pemati keterubah, iya nya kes ke-357, siku lelaki berumur 75 taun ari Pakan ke berubat ba Sepital Sarikei, diperesa enti bisi kena rampit COVID-19 kena 5 Jun, ngujungka kes nya parai. Kes bisi penyakit ko-morbid darah tinggi, penyakit tungkul ati enggau gout.
Kes pemati kedua iya nya kes ke-358, siku indu berumur 61 taun, ari Sibu ke berubat ba Sepital Sibu, ldiperesa enti bisi kena rampit COVID-19 kena 27 Mei mega ngujungka iya parai.
Kes mega bisi penyakit komorbid darah tinggi enggau dislipidemia.
Kelimpah ari nya, naka ke diatu penyampau kes COVID-19 ke agi di dalam wad sepital enggau agi ba palan kuarantin PKRC, 717 kes baru ke udah gerai lalu dikemendarka pula, iya nya 249 kes (Sepital Kapit enggau PKRC baruh pegai sepital tu); 124 kes (Sepital Besai Sarawak tauka HUS enggau PKRC baruh pegai sepital tu); 110 kes (Sepital Miri enggau PKRC baruh sepital tu); 93 kes (Sepital Bintulu enggau PKRC pegai sepital tu).
Nangkan nya, 74 kes (PKRC Mukah); 43 kes (Sepital Sibu enggau PKRC baruh pegai sepital tu); Semilan kes (Sepital Sarikei enggau PKRC baruh pegai sepital tu); 9 kes (Sepital Sri Aman enggau PKRC Sri Aman); empat kes (PKRC Serian) enggau dua kes di PKRC Betong.
Tu ngujugnka semua kes positif Covid-19 ke udah gerai lalu dikemendarka pulai tauka naka ke sehari tu, manggai 46,721 iku tauka 82.10 peratus, ari semua penyampau kes COVID-19 di nengeri tu.
“Penyampau kes aktif ke agi berubat lalu dipasuk ba PKRC enggau wad sepital (nitihka sepital alai pesakit) bisi 9,709 iku. Kelimpah ari nya mega, 718 PUI baru bisi diripotka lalu nadai PUI ke agi nganti pemutus makmal,” ku JPBNS.