Chara’ walk-in’ jampat sereta ngasi
Chara tu mega mantu kitai ngenyampat proses vaksinasyen rayat di Sarawak
“
Tu chara ti dipadahka Kepala Menteri Datuk Patinggi Abang Johari Tun Abang Openg ke berengkah dikena ba PPV
”
Mobile di Sarawak.
SIBU: Chara ‘betuchuk dulu, baru ngerejista diri’ ti dipadahka Kepala Menteri Datuk Patinggi Abang Johari Tun Abang Openg kena nuchuk vaksin COVID-19 ngagai mensia mayuh di menua pesisir, bisi mandangka pengasi.
Koordinator Komiti Mutarka Penusah Ngenyit Bagi Menua Sibu (JPBBS), Dr Annuar Rapa’ee madah, chara nya berengkah dikena ba Palan Nuchuk Vaksin (PPV) Mobile ba Balai Mensia mayuh Bawang Assan ti udah mujur nuchuk 2,000 iku peranak menua nya dalam kandang empat hari.
“Jampat sereta ngasi, dalam kandang empat hari nyauka 2,000 iku peranak ditu udah divaksin.
“Tu chara ti dipadahka Kepala Menteri Datuk Patinggi Abang Johari Tun Abang Openg ke berengkah dikena ba PPV Mobile di
Dr Annuar Rapa’ee
Koordinator Komiti Mutarka Penusah Ngenyit Bagi Menua Sibu (JPBBS)
Sarawak,” ku iya nengah siti penerang dalam media sosial Facebook iya empu, kemari.
Iya mega sempat ngelimpangka diri ngelawa PPV Mobile ba Balai Mensia mayuh Bawang Assan ensana, beratika gaya proses nuchuk vaksin ba peranak menua nya.
“Kami deka numbuhka mayuh agi raban PPV Mobile. Jampat agi kitai nyapai ‘imuniti kelompok’, jampat agi mega kitai ulih ngasaika pengidup normal baka ke sebedau tu,” ku iya.
Abang Johari maya ba aum sidang media di Kapit pengudah ngelawa PPV Dewan Sri Balleh kena Hari Empat minggu nyin tadi, madahka vaksinasyen nengah chara ‘walk-in’ semina dibuka ngagai peranak ba kandang menua ulu entigis engau menua pesisir Sarawak.
Ku iya, nengah chara ‘walk-in’ nya peranak menua pesisir di nengeri tu anang irau ati ke Program Imunisasyen COVID-19 Menua ti benung dipejalaika diatu.
“Sida diatu tau betuchuk vaksin nengah chara ‘walkin’ ba PPV ti ditetapka lalu ngerejista diri udah nya.
“Chara tu mantu kitai ngenyampat proses vaksinasyen rayat di Sarawak,” ku iya.
Taja pia, peranak ke diau di mengeri mengkang nitihka prosedur ngerejista diri ke bisi diatu.