Abg Jo nyukung UKAS ngatur konvensyen media Sarawak
Konvensyen nya mesti mai individu ti bekualiti, bepeneleba ambika bekunsi penemu sereta lalu ngaga siti etika
KUCHING: Premier Sarawak Datuk Patinggi Tan Sri Abang Johari Tun Openg nyukung perambu Unit Komunikasyen Perintah Sarawak (UKAS) deka ngatur konvensyen media.
Tu setipak enggau tanggungpengawa media ke beguna amat meri penerang ke betul ngagai rayat nitihka ‘etika kewartawanan’.
Ku iya, konvensyen nya ila mesti mai sekeda individu ti bekualiti sereta bepeneleba dalam bidang nyadi pengarang berita, ambika bekunsi penemu sereta lalu ngaga siti etika.
“Mesti bisi sekeda etika ba pengawa nyadi pengarang berita. Ambika chunto pekara ti bekaul enggau ekonomi. Kada enda bisi raban tebangkar dalam ekonomi laban kitai mega begunaka respons ari sukut ekonomi, baka nya mega ari sukut rama enggau politik.
“Nyema kitai ngemeranka etika maya bejalaika pengawa nyadi pengarang berita enggau ngubah peragam enggau penemu rayat, kitai mesti ngembuan sekeda kualiti,” ku iya lebuh ke bejaku maya Pengerami ‘Ramah Tamah Warga Media’ ditu malam ensanus.
Sama bisi ngulu pengerami nya, Sapit Premier Sarawak, Datuk Amar Douglas Uggah Embas enggau Dato Sri Dr Sim Kui Hian.
Dulu ari nya, Sapit Menteri ba Opis Premier Sarawak (Pekara Komunikasyen, Pemadah enggau UKAS) Datuk Abdullah Saidol ti mantaika perambu deka ngatur konvensyen media
“Mesti bisi sekeda etika ba pengawa nyadi pengarang berita. Ambika chunto pekara ti bekaul enggau ekonomi. Kada enda bisi raban tebangkar dalam ekonomi laban kitai mega begunaka respons ari sukut ekonomi, baka nya mega ari sukut rama enggau ” politik. Datuk Patinggi Tan Sri Abang Johari Tun Openg Premier Sarawak
nya madah, konvensyen nya deka ngangauka pengemeran media ari mayuh bengkah platform sereta ti ngembuan peneleba.
Nya mega ku iya, deka nempa langkar pekara ti dikemeranka bekaul enggau budaya sereta etika media ti lalu deka nyadi komponen ke beguna amat dalam struktur ekonomi digital.
Berebak enggau nya, Abang Johari madahka pemujur Gabungan Parti Sarawak (GPS) menang maya Pengawa Bepilih Negeri Sarawak Ke-12 (PRN12), endang siti tanggungpengawa lalu perintah GPS deka enggau naka ulih ngamatka utai ti udah disemaya ngagai rayat.
Nya ku iya, nyengkaum ngetanka rayat Sarawak sereta ngenuluka rayat.
Taja pia ku Abang Johari,
maya negika hak rayat Sarawak, perintah ukai mesti nitihka peneka perintah besai.
“Kitai endang nitihka nasional (perintah besai) tang lebuh negu pasal hak negeri, kitai deka ngena hak kitai enggau pematut ,” ku iya madah nyemetak.
Ngenang pasal pemansang di Sarawak, Abang Johari madahka perintah GPS udah bejalaika mayuh bengkah inisiatif ke pemaik rayat Sarawak.
“Bisi sekeda kan dang mengeri di Sarawak bulih agih belanja RM1.5 bilion kena ngaga jalai alun.
“Perintah mega udah nambahka duit turu kena ngelancharka projek ai, kelimpah meri duit turu ungkup elekterik ke pemaik peranak di Sarawak,” ku iya.
Sama bisi ngulu pengerami nya Menteri Pemansang Orang Indu, Nembiak Mit enggau Pengelantang Pendiau Komuniti (KPWK) Dato Sri Fatimah Abdullah, Menteri Dagang Temuai, Industri Kreatif enggau Mandangka Seni Dato Sri Abdul Karim Rahman Hamzah sereta Menteri Perengka Pengangkut Sarawak, Dato Sri Lee Kim Shin.