JKM dipinta madahka nama program bantu ungkup rayat
Agi mayuh peranak rumah panjai, genturung pendiau kelebih agi di menua pesisir, enda nemu bekaul pekara nya
“Padahka ngagai sida lapan kategori bantu ke diberi lalu sapa ti ulih sereta ” bakani deka ngaga peminta.
KUCHING: Pemesai Opis Pengintu Pengelantang Pendiau Komuniti (JKM) Nengeri dipinta madahka ngagai rayat bekaul mayuh macham bantu pengelantang pendiau ngagai rayat ti udah disediaka opis nya.
Sapit Premier Sarawak Datuk Amar Douglas Uggah Embas madah, agi mayuh peranak rumah panjai, genturung pendiau enggau kandang endur berumah kelebih agi di kandang menua pesisir, enda nemu pasal sida.
“Padahka ngagai sida lapan kategori bantu ke diberi lalu sapa ti ulih sereta bakani deka ngaga peminta,” ku iya.
Iya madah munyi nya sebedau nyuaka bantu ‘Sejambak Kasih Gawai 2022’
JKM ngagai 100 penerima di Bagi Menua Betong beserimbai enggau pengerami ngintu Hari Gawai Dayak ti deka datai ba Dewan Sekula Sekondari (SMK) Spaoh di Spaoh, Betong, kemari.
Tetiap penerima udah nerima mata duit sepenyampau RM100 sereta hamper pemakai ti beungkus RM80 lalu ke bukai bantu mata duit deka dipasukka ngagai akaun sida.
Ku Uggah madah, endang kasih meda peminta ti digaga enda bulih ketegal sida ngaga peminta nya ba kategori ti salah.
Nitih ku iya, perintah nengeri ngembuan polisi rama ti endang insklusif dalam mantu komuniti ti kurang benasit.
Dulu ari nya, Sapit
Datuk Amar Douglas Uggah Embas Sapit Premier Sarawak
Menteri Pemansang Orang Indu, Nembiak Mit enggau Pengelantang Komuniti Mohamad Razi Sitam nengah jaku pengelalu iya madah, perintah udah ngagihka sepenyampau RM2.7 juta disediaka ungkup bantu Gawai Dayak ngagai 25,891 iku di selampur nengeri.
Ku iya madah, tu mega nyengkaum 2,102 ari Bagi Menua Betong ke alai perintah udah ngagihka RM210,200 ungkup tuju nya.
Bekaul enggau bantu ninting bulan, ku iya madah, ari Januari nyentukka April taun tu, JKM udah melanjaka sepenyampau RM81 juta dikena mantu 51,495 iku penerima di selampur nengeri.
“Ungkup Bagi Menua Betong, kami bisi 4,191 penerima ti udah nerima RM6.6 juta,” ku iya.
Iya madahka, bisi lapan kategori program bantu disediaka nyengkaum ngagai raban nembiak.
Sama bisi datai Kaban Parlimen
Betong Datuk Robert Lawson Chuat enggau Sekretari
Politik Premier Sarawak Dr Richard Rapu.