CUEPACS deka mantaika perampu Dua KGT, KGM RM1,800 maya ngintu Hari Bomba 2022
Kongres Gerempung Pengereja Pengawa Perintah (CUEPACS) deka mantaika langkar peminta ‘Dua Kenaikan Gaji Tahunan’ (KGT) enggau ‘Kenaikan Gaji Minimum’ (KGM) RM1,800 pengereja pengawa perintah maya Ngintu Hari Bomba 2022 di Kepala Batas, Pulau Pinang sehari tu (Hari Minggu).
Nitih ku Sekretari Besai CUEPACS Malaysia Abdul Rahman Mohd Nordin, program nya deka digulu Menteri Besai Datuk Seri Ismail Yaakob.
“Presiden CUEPACS Malaysia, Datuk Adnan Mat deka mantaika dua perambu nya maya program tu pagila (sehari tu),” ku iya madah ngagai pengarang berita pengudah datai ba Program Randau Sarawak Medical Services Union (SMSU) ba sebuah hotel ditu, kemari.
Abdul Rahman madahka, kena 12 Februari nyin tadi, CUEPACS udah nganjung memorandum nya ngagai perintah lalu nitihka sida deka meresa taunka enda perambu nya.
“CUEPACS merambu gaji minimum pengereja pengawa perintah ditikika ngagai RM1,800 sebulan laban penatai pemisi sida ke diatu enda umbas dikena nangkup ungkus pengidup ti majak niki.
“Kitai nemu rega mata duit kitai mit, endang kitai ngasaika nya kelebih agi ungkup raban B40, ngagai sida ti gred gaji besai nadai tentu bisi penanggul.
“Ungkup sida ti begaji RM5,000 ke baruh endang betapi enggau penanggul ungkus nyaga anak, rumah lalu tu ti ditapi kitai. AU, endang kitai deka ngaturka pengawa ti nangkanka perambu tu,” ku iya nerang.
Ninting taun ku iya, perintah deka nambah sepenyampau RM2 bilion nyentukka RM3 bilion dikena nikika gaji.
“Gaji enda deka nurun, nya deka niki, semina ungkus pengidup ti niki. Gaji niki tiga peratus, ungkus pengidup niki 25 peratus. Nya alai, kitai minta perintah ngatur rega barang kelebih agi baka tepung, gula enggau berau,” ku iya nambah.
Sama bisi datai iya nya Chairman CUEPACS Sarawak Omar Bahrein sereta bala bukai.