67 iku mujur meri darah maya Kimpin Meri Darah beserimbai enggau Hari Pengajar di Sibu
Bisi 67 iku udah mujur meri darah maya Kimpin Meri Darah beserimbai enggau Hari Pengajar Renggat Pelilih Menua Sibu 2022, bedau lama udah.
Kimpin ti diatur begulai enggau Opis Pelajar Pelilih Menua (PPD) Sibu, Kelab Lions Antarabansa Pelilih 308-A2 Wilayah 2 & 3, Gerempung Bulan Sabit Merah (PBSM) Pampang Sibu enggau Unit Servis Transfusi Darah Sepital Sibu.
Bisi 89 iku datai ngerejista diri ngerejista sereta beperesa tang semina 67 iku ke tau meri darah lalu 22 iku enda tau ketegal bisi makai ubat, penanggul pengerai enggau ke bukai.
Pengawa ngatur kimpin nya endang kena mantu Bank Darah sepital ngulihka stok darah ke chukup ambika bisi dikena ba Sepital Sibu.
Kelimpah ari nya, raban pengatur mega bisi muka kaunter meresa gula dalam darah enggau meresa darah tinggi maya kimpin nya ti diatur ba Indu Opis PBSM Pampang Sibu, Jalai Awang Ramli Amit ditu.