Sikap diri ngena ADR kena mutarka penyarut enggau ngurangka risiko undang-undang
Pengemeran di menua tu nyengkaum sektor konstraksyen di Sarawak patut nyikap diri ngena Penyelesaian Pertikaian Alternatif (ADR) kena mutarka penyarut ti ulih ngemimitka risiko undang-undang.
Sapit Menteri UndangUndang, MA63 enggau Kaul Perintah Negeri-Besai, Datuk Sharifah Hasidah Sayeed Aman Ghazali madah, ADR iya nya mekanisama kena mutarka penyarut ba luar bilik kort.
Ku iya, ungkup Sarawak endang dikinginka deka meda sektor konstraksyen lebih agi deka terus ngerembai sereta nyaup ekonomi negeri.
“Tang enggau mayuh langgur ungkup pemansang infrastruktur, pemeranka puku ari menua luar, penambah penyampau pesereta entiti antarabansa, sereta empas ari penumbuh indu menua baru Indonesia di Kalimantan, deka bisi penambah ti enda kala nyadi sebedau tu dalam penyampau penyarut meraka antara menua di Sarawak.
“Nya alai, beguna amat sida pengemeran menua tu nyikap diri empu ngena kereban ti diguna ngena ADR enggau ngasi dalam nempa enviromen ti tau nyeliahka penyarut (tauka kena mutarka penyarut) ti enda ulih diseliahka) ti ngujungka tau betapi enggau ngemimitka risiko undang-undang ti engka tau ngeruga proses pemansang,” ku iya.
Iya madahka pekara tu dalam Ucaptama nyerumba Jerayawara Asian International Arbitration Centre (AIAC) 2022 ti digulu Direktor AIAC Tan Sri Datuk Suriyadi Halim Omar ba Palan Konvensyen Borneo Kuching (BCCK) ditu, kemari.
Nitihku Sharifah Hasidah, AIAC diasuh nyadi opis bekuasa nyiri enggau nyadi administrasyen tunggal kena ngemudahka pengawa mutarka penyarut ngena ADR.
Terang iya, ADR nya empu chukup setipak ba pengawa enggau individu enggau di Sarawak, ADR mega mantu teras strategik ke-2 ari baruh Strategi Peman sang Pengudah COVID-19 2020 (PCDS), iya nya ngangkatka perengkaguna kena bejalaika pengawa dagang enggau nempa Sarawak nyadi palan pemeranak puku ke dipilih sida ari menua luar.
Taja pia ku iya, ketegal takah entara Sarawak enggau indu opis AIAC di Kuala Lumpur, nya alai isu bekaul enggau nyuaka dokumen ngagai AIAC terus nyadi pemar ke patut diputarka.
Berindik ari pekara nya program ‘jerayawara AIAC’ ditu engkeman amat alai numbuhka platform AIAC, ngambi bagi sereta bekerejasama enggau pengemeran ADR menua tu seraya ngelala, mutar enggau ngerapitka takah dalam pengawa ngemeranka ADR entara Kuala Lumpur enggau Sarawak.
“Kami ngasaika tu peluang ti manah kena nyapai tagit baka ti ditetap dalam Strategi Pemansang Pengudah COVID-19 2030, ngena projek infrastruktur ti besai ti benung dipejalaika Perintah Sarawak, semua nya digaga seraya nyapai penyemela entara penumbuh ekonomi enggau penegap rampa menua.
“Inisiatif tu ba pengujung iya deka nyaguka Sarawak nyadi palan manah alai pemeranak puku ari menua luar kelebih agi maya ubah ba gaya hari, diaku dunya nyadi tulang belakang ESG (rampa, sosial enggau nusun pengawa).
“Sekalika transaksyen komersial domestik tauka antarabansa, penyarut ti bekaul enggau pekara berat deka bepanggai ba budaya enggau pemar meraka garis entara menua,” ku iya seraya madahka ngena peluang tu ADR patut udah sedia mutarka penyarut ke patut.