Rumah Adam, Rumah Gerinang udah ngatur pengerami ngiling tikai

Kena ngelaika Hari Gawai taun udah tembu diintu, peranak Rumah Adam, Sungai Nawang ditu udah ngatur pengawa ngiling tikai.

Pengerami nya udah dipenyadi Tuai Rumah Adam Ongie kena ujung minggu nyin tadi, sebedau bala kaban belayan ke bisi pulai ngintu gawa majak mulaika diri ngagai endur sida bekereja baka di Miri, Bintulu, Limbang enggau ke bukai.

Kelimpah Rumah Adam, rumah panjai ke besemak mega iya nya Rumah Gerinang di Logan Tasong bela bisi ngatur pengerami ke sama ti betuaika Tuai Rumah Gerinang Kam.