Sarawak teulihka pemutus peresa SPM ti chukup manah
596 chalun teulihka A- dalam semua matapelajar, 12 chalun beprestasi cemerlang pemadu tinggi bulih gred A+
KUCHING: Penyulut chalun negeri Sarawak dalam peresa Sijil Pelajaran Malaysia (SPM) 2021 ngayanka pemutus ti chukup manah ke alai 596 iku chalun teulihka abis kurang A- dalam semua matapelajar ke diambi.
Direktor Opis Pelajar Negeri Sarawak Datu Dr. Azhar Ahmad madah, bisi 12 iku chalun beprestasi cemerlang pemadu tinggi bulih gred A+ dalam semua matapelajar.
Ari penyampau nya (12 iku chalun), bisi siku udah ngerikodka 11A+ iya nya Hong Yong Kai nembiak ari SMK Green Road, Kuching; bisi enam iku teulihka 10A+ iya nya Ian Jong Kai Yi (SMK Green Road, Kuching), Tan Chia Sin (SMK Batu Lintang, Kuching), Roy Makaay Jeffery (SMK Matang Hilir, Padawan), Chieng Chin Wei (SMK Chung Hua, Miri), David Ding Sing Yew (SMK St Anthony, Sarikei), enggau Natalie Tiong Jia Tian (SMK Green Road, Kuching), lalu bisi lima iku chalun teulihka 9A+ ba semua mata pelajar ke diambi iya nya Bong Bin Yong (SMK Green Road, Kuching), Aufa Abdul Hadi (Kolej Datuk Patinggi Abang Hj abdillah, Kuching), Muhammad Syafiq Abdul Rahman (Kolej Datuk Patinggi Abang Hj Abdillah, Kuching), Peter Mason Davies (SM Sains Kuching, Padawan) enggau Siti Nurfarahin Sarbini (SMK Pujut, Miri).
“Dalam peresa SPM 2021, bisi 29,166 iku chalun tauka 88.29 peratus ari 33,035 iku chalun Sekula Sekondari (SMK) ke datai ngambi peresa udah mujur bulih setipikit SPM, iya nya manggai ba penetap abis kurang pas mata pelajar Bahasa Melayu enggau
“Dalam peresa SPM 2021, bisi 29,166 iku chalun tauka 88.29 peratus ari 33,035 iku chalun Sekula Sekondari (SMK) ke datai ngambi peresa udah mujur bulih setipikit SPM, iya nya manggai ba penetap abis kurang pas mata pelajar ” Bahasa Melayu enggau Sejarah.
Datu Dr. Azhar Ahmad Direktor Opis Pelajar Negeri Sarawak
Sejarah.
“Penyulut chalun negeri Sarawak nitihka nilai Gred Purata Negeri (GPN) ba taun 2021 iya nya ngerikodka 5.17,” ku Azhar lebuh mantaika pemutus peresa SPM 2021 renggat Negeri Sarawak pukul 10 pagi ti diatur ba Auditorium Opis Pelajar Negeri Sarawak ditu, kemari.
Azhar nerangka pemutus SPM 2021 diripot bepelasarka penyulut chalun enggau prestasi matapelajar, lalu indeks ke diguna kena ngayanka penyulut chalun serata menua iya nya Gred Purata Nasional (GPN). Gred Purata Negeri (GPN) penyulut renggat negeri enggau penyulut nembiak skula ditentu nitihka Gred Purata Sekolah (GPS). Nilai gred purata ti lebih mit ngayanka penyulut chalun ti lebih manah, ku iya.
Nambah nya iya madahka dalam SPM 2021, bisi 78 mata pelajar udah diambi chalun negeri Sarawak, lalu ari penyampau nya bisi 42 mata pelajar pas 100 peratus, 27 mata pelajar pas 90 ngagai 99.9 peratus, lalu bisi enam mata pelajar pas 80 ngagai 89.9 peratus.
“Entara matapelajar ti pas 100 peratus nyengkaum Kesusteraan Inggeris, Pendidikan Muzik, Lukisan, Sejarah dan Pengurusan Seni, Seni Halus 2D, Seni Halus 3D, Reka Bentuk Grafik enggau ke bukai.
“Lalu entara 27 matapelajar ti bulih 90 ngagai 99.9 peratus iya nya Sains Sukan, Pendidikan Seni Visual, Sains Komputer, Fizik, Bahasa Iban, Bahasa Cina, Sains Tambahan, Pendidikan Al-Quran dan AlSunnah, Biologi, Pertanian, Perniagaan, Bahasa Melayu. Geografi, Kimia, Ekonomi, Sains enggau ke bukai.
“Enam matapelajar pas 80 ngagai 89.9 peratus iya nya Pendidikan Moral, Sejarah, Al-Syariah, Pendidikan Islam, Bahasa Inggeris enggau Lukisan Kejuruteraan,” ku iya.
Kelimpah ari nya, Azhar nyebut bekaul enggau prestasi sekula negeri Sarawak bepelasarka GPS ti dibagi ngagai empat kategori, iya nya Cemerlang teulihka GPS 0.00 - 2.25, Baik (GPS 2.26 - 4.50), Memuaskan (GPS 4.51 - 6.75) enggau Berpotensi (GPS 6.76 - 9.00).
Nitihku iya, tebal agi sekula di negeri tu tau dipadah dalam tiga kategori sekula Cemerlang, Baik enggau Memuaskan.
“Bisi tiga buah sekula tauka 1.59 peratus udah teulihka pemutus Cemerlang, 30 buah sekula (15.87 peratus) teulihka pemutus Baik enggau 153 buah sekula (80.95 peratus) teulihka penyulut Memuaskan, lalu semina tiga buah sekula (1.59 peratus) ti bulih penyulut Berpotensi.
“Bepelasarka GPS, sekula ti (teulihka pemutus peresa SPM) pemadu nyulut iya nya SM Sains Kuching Utara, SM Sains Kuching, SM Sains Miri, SMK St Elizabeth, Kolej Datuk Patinggi Abang Haji Abdillah, Sekolah Seni Malaysia Sarawak, SMK Agama Tun Ahmad Zaidi, SMK Kubong, SMK Tiong Hin, SMK Agama Sheikh Haji Othman Abdul Wahab, SMK Tung Hua, SMK Methodist, SMK TInggi Sarikie enggau SMK Sungai Tapang.
Kelimpah ari nya Azhar madahka bisi lima iku chalun Murid Bekeperluan Pendidikan Khas (CBK) udah teulihka tikas penyulut iya nya Christabelle Lim Xin Rou ari SMK St. Joseph, Miri teulihka 8A+ 2A, Danny Yong Zhi Lik ari SMK Chung Hua Sibu (5A+ 2A 1A-), Jovian Jeli Duncan ari SMK Methodist, Sibu (1A+ 4A 2A- 1B+), Fairulnizam Abdul Rahman ari SMK Tunku Abdul Rahman, Kuching (6A 2B+ 1C+), enggau Shallzuandy Abdul Wahab Abdullah ari SMK Semop, Daro teulihka pemutus 2A 4A- 1B+ 1D.
Dulu ari nya, Azhar madahka ba peresa SPM 2021, bisi 36,385 iku chalun di negeri Sarawak udah ngerejista diri ngambi peresa tu.
Ari penyampau (36,385 iku chalun) tu, bisi 34,142 iku tauka 93.83 peratus iya nya chalun Sekolah Sekondari (SMK), 937 iku (2.58 peratus) chalun Sekula Sekondari Pribit, 316 iku (0.87 peratus) chalun sekula ari baruh ejensi bukai kelimpah ari Opis Menteri Pelajar Malaysia (KPM), 26 iku (0.07 peratus) chalun Sekula Sekondari Agama Rakyat (SMAR) enggau 964 iku (2.65 peratus) chalun ngatika diri.
SPM 2021 Sesi Kedua diambi 4,066 chalun lalu semina dua iku chalun dalam Sesi Ketiga. Sesi kedua enggau ketiga diatur ketegal chalun dikeruga COVID-10.