12 NGO di DUN Dudong udah nerima geran MRP

Bisi 12 gerempung ukai dikuasa perintah (NGO) ditu udah nerima agih belanja Projek Mit Menua Pesisir (MRP) ari Parti Demikratik Progresif (PDP) Pampang Dudong kena Hari Empat tu tadi.

MRP tu iya nya ari agih belanja Kaban Kunsil Nengeri (ADUN) Dudong Dato Sti Tiong King Sing.

Bisi RM125,000 penyampau semua MRP udah diagihka ngagai NGO nya dalam siti pengerami ti diatur di Palan Servis PDP N.52 Dudong, Jalai AMan ditu.

NGO ti nerima iya nya Gerempung Apai Indai enggau Pengajar (PIBG), Komiti Pemansang enggau Pengelikun Genturung Pendiau (JKKK), gerempung enggau kelab ari sitak DUN Dudong.

Chairman PDP Sitak Dudong Kunsilor Teo Boon Siew udah nyuaka chek nya ngagai bala penerima ti ngarika Tiong.

Sama bisi datai iya nya Sekretari PDP Sitak Dudong Kunsilor Amping Ranggau.