GPS patut bekerejasama nentuka menang besai maya PRU15
Parti komponen kelebih agi PBB patut nyikap diri dalam betapi enggau pengawa bepilih ti deka diatur sebarang maya
“Aku arap bendar (enti) kitai bekerejasama, seati, sama begulai, (kitai) ulih nyapu 31 sitak (parlimen) dalam ” PRU15 ke deka datai.
KUCHING: Gabungan Parti Sarawak (GPS) patut terus sama ‘bunyi, tiun enggau lagu’ kena nentuka ulih ‘nyapu’ semua ba 31 sitak parlimen maya pengawa bepilih besai ke-15 (PRU15) ke deka datai.
Chairman GPS ti mega Presiden Parti Pesaka Bumiputera Bersatu (PBB), Datuk Patinggi Tan Sri Abang Johari Tun Openg mega ngarapka PBB terus nyikap diri betapi enggau PRU15.
Ku iya, PBB taja ulih menang ba semua 47 sitak ke diari maya pengawa bepilih besai negeri (PRN) sebedau tu dikearapka anang kelalu sombong enggau pemujur nya tang patut gawa bebendar enggau baruh ati.
“Kitai menang 76 ari 82 sitak (maya PRN sebedau tu) nengah GPS enggau bala bakih kitai (SUPP, PRS, PDP sereta PBB).
“Aku arap bendar (enti) kitai bekerejasama, seati, bersatu tenaga, (kitai) ulih nyapu 31 sitak (parlimen) dalam PRU15 ke deka datai.
“Aku meri puji laban kitai (PBB) dalam satu nada ti sama, nyengkaum bakih (SUPP, PDP enggau PRS) kitai dalam GPS. kitai ngembuan nada ti sama, irama ti sama, lagu ti sama,” ku iya.
Premier Srawak tu madahka pekara tu nyerumba iya bejadi Aum Besai Parti PBB Sarawak Ke-15 ti diatur ba BCCK, ditu, kemari.
Dulu ari nya iya madahka parti PBB udah nyingkang sesingkang setipak enggau ubah dunya.
“PBB ukai agi parti ‘kampung’. PBB diatu nyingkang sesingkang ke mua setipak enggau nama ti nyadi di dunya, nya kebuah aku dikanggau bejaku di menua
Belanda,” ku iya. Berebak enggau tu Abang
Johari madah diri nyambut manah Pergerakkan Belia umur18-28nyeretaprogram ke diatur PBB.
Iya madahka mayuh bantu disediaka ungkup raban biak umur 18-28 di negeri tu nyengkaum ungkup sida ke baru ada.
“Kitai nyambut manah 18-28. Kitai deka sida 18-28 sama enggau kitai. PBB endang deka ke sida tu. Seharitu PBB nyendiaka masa depan ungkup sida tu.
“Nya kebuah kitai enda nuluk pengawa ngurangka umur pengundi ngagai umur 18, kitai nemu sida ke beumur 18 mega enggau kitai laban kitai nyaga tauka ibuhka sida,” ku iya.
Sama bisi datai ba pengerami tu, Sapit Presiden PBB ti mega chairman Komiti Besai Aum Besai Parti PBB Sarawak ke-15 Datuk Amar Douglas Uggah Embas, Sapit Presiden PBB Datuk Amar Awang Tengah Ali Hassan enggau sida ke bukai.
Datuk Patinggi Tan Sri Abang Johari Tun Openg Premier Sarawak