Bisi 18 pedagang di Pasar Sungai Merah dipindahka deka sementara berengkah 27 Jun tu
Bisi 18 pedagang di Pasar Sungai Merah ditu deka dipindahka ngagai palan sementara ba Lorong Sungai Merah 2D berengkah 27 Jun tu, ku Chairman Komiti Mendam Pedagang Mit Pasar Opis Kaunsil Mengeri SIbu (SMC) Kunsilor Albert Tiang.
Nitih ku iya, palan sementara tu enda jauh enggau pasar ti endang udah bisi nya.
Tiang mega nyemetak madahka iya nya tu dikena muka jalai ngagai pemansang baru pasar ke udah beumur puluh taun nya.
“Projek pemansang baru (Pasar Sungai Merah) deka berengkah bulan Julai tu,” ku Tiang lebuh ti ditanya, kemari.
Iya madah munyi tu lebuh ti ditanya berapa lama bala pedagang tu deka dipindahka ngagai palan sementara nya.
Dalam sesi intebiu sebedau nya, Tiang bisi nyebut iya nya struktur pasar ti beumur puluh taun nya deka runtuhlalu deka digaga baru enggau begunan ti baru lalu bisi medan selera sereta palan endur ngengkahka entukar.
Iya madahka iya nya pemansang baru Pasar Sungai Merah dipelabaka beungkus RM5 juta ke alai belanja tu ari ‘Projek Rakyat’.