Ngemeratka inisiatif bepelasarka komuniti
Perintah deka nambahka penatai pemisi ruang bilik ari RM5,000 ngagai RM16,000 sebulan manggai ba taun 2030
KUCHING: Datuk Patinggi Tan Sri Abang Johari Tun Openg madah, perintah Sarawak ukai semina fokus ngagai Pemansut Kasar Dalam Dalam Menua (KDNK) tang mega fokus ngagai bakani chara numbuhka nya dibantaika ngagai tiap iku rayat.
Iya madahka juluk perintah deka nambahka penatai pemisi ruang bilik ari RM5,000 ke diatu ngagai RM16,000 sebulan lebuh manggai ba taun 2030, ti lalu nempa Sarawak nyadi negeri pemadu dulu di Malaysia.
Iya madah kena nyapai juluk nya, inisiatif bepelasarka komuniti patut dikemeran sereta dikemeratka.
“Pengawa nyadung pengaya ngagai komuniti mesti betul tauka patut ungkup mengeri enggau menua pesisir. Kitai mesti anang enda ingatka utai ti mudah ngenusahka rayat kitai, nyengkaum B40, M40 enggau sida ke bukai.
“Inisiatif PCDS 2030 deka nyukung penegap pekara wang ungkup raban seranta enggau palan ngenduh ungkup rayat Sarawak ti begunaka nya,” ku iya.
Abang Johari mansutka pekara lebuh ke bejadi ‘Aum Besai Ekonomi Digital Antarabansa Sarawak Ke-5 Sarawak (IDECS) 2022’ ti berambai leka jaku ‘Decoding Big Data for Environmental & Energy Sustainbility’ ti diatur ba BCCK ditu, kemari.
Nambah nya, iya madahka kena nyapai nyadi menua bepenatai pemisi enggau maju lebuh manggai ba taun 2030, negeri patut nyapai penyampau pe mansang ekonomi entara 6.0 ngagai 8.0 peratus tiap taun kena ngemesaika agi saiz ekonomi negeri ngagai RM282 bilion lebuh manggai ba taun 2030.
Iya madah kena nyapai juluk nya, negeri ngemeratka lapan sektor ekonomi ti nyadi ‘injin’ pemansang besai Sarawak, ti nyengkaum sektor betanam betupi enggau komoditi, produksyen, kampung, dagang temuai,
“Pengawa nyadung pengaya ngagai komuniti mesti betul tauka patut ungkup mengeri enggau menua pesisir. Kitai mesti anang enda ingatka utai ti mudah ngenusahka rayat kitai, nyengkaum B40, ” M40 enggau sida ke bukai.
Datuk Patinggi Tan Sri Abang Johari Tun Openg Premier Sarawak
lumbung, energi tau dikemaru enggau servis.
“Pekara ti difokus iya nya ngangkatka tikas produktiviti ke udah bisi signifikan enggau penegap ba semua sektor ekonomi nengah pengawa ngena teknologi digital, data enggau inovasyen.
“Kami (Sarawak) melabaka eksport deka nambah urung tiga kali lipat disukung enggau lebih mayuh produk ‘high-value-added’ ti diasilka ari sektor produksyen, betanam betupi, kampung enggau ngelumbung.
“Perintah deka mantu sektor peribit ngerembaika industri sida lalu melabaka sektor peribit deka meri timbal nengah chara beranakka puku enggau ngereja mayuh agi dalam sektor ke difokus negeri.
“Kena nyukung pengawa beranakka puku di Sarawak aku, udah madahka pasal pengawa numbuhka “Invest Sarawak” kena nguluka sebarang utai ti dikeluarka kena ngulihka asil di Sarawak,” ku iya maya ke bejadi IDECS 2022 ti digulu urung 2,500 iku pengari lalu bisi urung 40,000 ‘online viewer’ nyengkaum 42 Digital Community Centers (DCC) di serata Sarawak.
Berebak enggau tu, lebuh ti ngenang bekaul enggau rambai jaku IDECS 2022, Abang Johari madah diri suah udah nyebut data iya nya utai ti majak berega, digelar nyadi minyak baru, kebendar iya pemansut asil ti ulih dikemaru, ti ulih meri ‘nilai’ ekonomi sereta ngangkatka rampa menua enggau energi enggau chara ngenanka pemanah.
Ku iya, Big Data deka bejalaika tanggungpengawa beguna kena ngenanka asal rampa menua enggau energi ti nyaga rampa menua enggau pemansut pengeraja asal sereta beratika risiko rampa menua.
“Ambika chunto ‘Adueduct’. ‘water-risk mapping tool’ dilangkar kena matau enggau ngira risiko ai di serata dunya, bepanggai ba Big Data, baka kuantiti ai, kualiti enggau isu nyaga ti suah berubah.
“Nengah Big Data ulih ngenanka pemanah enggau pengelikun rampa menua ti meri peluang ngagai dunya ambika lebih meretika peminta ba energi, pemakai enggau ai,” ku iya.
Bejaku baru iya madah, entara ari pemayuh pemanah Big Data iya nya kena ngenanka pemanah, lalu tuju iya ba pengawa neritka adat iya nya nyaga sereta ngaduka serata dunya lalu ngiga pengawa ngelepaska nya, nyapai juluk energi ulih dikemaru seraya ngangkatka standard ngenanka pemanah dalam semua sektor.
Ambika chunto ku iya, 2,000 liter ai dikena ngasilka pemakai kena meri pemakai ngagai siku pengelama sehari.
“Aplikasyen Big Data ungkup betanam betupi kritikal, laban penyampau pukul rata ngena pemansut enggau pengurang ti majak nambah.
“Big Data amag dikena dalam ngaduka pemar enggau isu pengulih ngenanka pemanah rampa menua enggau energi,” ku iya lalu pengerami tu mega bisi digulu Sapit Premier Sarawak Datuk Amar Douglas Uggah Embas enggau Dato Sri Dr Sim Kui Hian sereta sida ke bukai.