32 peminta baru BKPBP udah dikemendar: Fatimah

Nyentuk 19 April taun tu, Sarawakudah ngemendarka 32 iti peminta baru Bantu Khas Pesakit Tungkul Sengayuh (BKPBP) ti begunaka belanja RM522,988.

Pia ku Menteri Pemansang Orang Indu, Nembiak Mit enggau Pengelantang Komuniti, Dato Sri Fatimah Abdullah madah nengah penerang pengudah nemuai ngagai Unit Hemodialisis, Opis Nefrologi Sepital Besai Sarawak (HUS) ditu, kemari.

“Taja pia, nitihka statistik BKPBP, (Pesakit ti ari taun 2020 enggau 2021) nyentuk 31 Mei bisi 98 iku ti ngena belanja RM2,191,1436,” ku iya.

BKPBP ku iya, inisiatif Perintah Sarawak kena mantu ngelempungka tating belanja pesakit tungkul sengayuh di Sarawak.

Nya dipejalaika Perintah Sarawak kena ngelempungka tating belanja pesakit ti berubat ngubat penyakit tungkul ti udah didiagnosis ngena End Stage Renal Failure (ESRF) iya nya pengerusak tungkul sengayuh renggat kepenudi endar.

Taja pia, ba sepital perintah tauka tauka klinik perintah, servis nya enda bebayar.

Taja pia, enti pesakit enda ulih berubat ba sepital perintah tauka klinik pengerai perintah (penuh) sida mesti berubat ba palan berubat pribit.

BKPBP meri dua bansa bantu iya nya bantu klinikal enggau bantu sukung.

NGABAS: Fatimah (kiba) betemu enggau Kasiah Kadri ari Pampang Bantu Pengelantang Sosial, JKMS enggau Ketuai Pampang Bantu Pengelantang Sosial, JKMS Irine Andrew Ganggang sereta Dr Lawrence ari Unit Hemodialisis, HUS.