PBS meri respon tumu maya penusah ngenyit nyadi

Enda ulih ditangkup 38 buah balai bomba di Sarawak tu meri servis ngagai semua komuniti enggau lengkas

“Nya alai dikena nentuka servis tu datai ngagai komuniti ari Tanjung Datu nyentukka Lawas, pengawa mutar timpuh pandak tauka inisiatif bomba iya nya enggau meransang pengawa numbuhka PBS dikena mantu bomba meri respon ti keterubah nyema bisi penusah ngenyit nyadi di sitak ti tusah ” deka diakses.

Datu Khirudin Drahman Direktor JBPM Sarawak

KUCHING: Tanggungpengawa Raban Bomba Volunteer (PBS) ti bejalaika pengawa enda ngarapka upah endang beguna dalam meri respon tumu nyema bisi nyadi penusah ngenyit kelebih agi di Sarawak ti ngembuan pemesai nengeri nyaudeka mesai Semenanjung.

Direktor Opis Bomba enggau Penyelamat Malaysia (JPBM) Sarawak Datu Khirudin Drahman madah, endang tusah sereta mar ngagai 38 balai bomba ke bisi di nengeri tu enggau pemesai 124,000 kilometer persegi deka meri servis ngagai komuniti dalam timpuh ti jampat.

“Nya alai dikena nentuka servis tu datai ngagai komuniti ari Tanjung Datu nyentukka Lawas, pengawa mutar timpuh pandak tauka inisiatif bomba iya nya enggau meransang pengawa numbuhka PBS dikena mantu bomba meri respon ti keterubah nyema bisi penusah ngenyit nyadi di sitak ti tusah deka diakses.

“Kitai enggai nyema bomba datai ke palan penusah nyadi, rumah nya udah tinggal rangka, ti chukup ngenyinuka ati penusah angus ti ngaul rumah panjai ke ngujungka bisi bebadi nyawa, ambika chunto dalam kes rumah panjai di betong ti udah angus lengis lalu udah ngujungka siku nembiak beumur lima taun midang sereta dua iku agi betu enggau balat,” ku iya madah ngagai BERNAMA bedau lama ti udah.

Khirudin madahka tikas pngeregas enggau pengelandik raban PBS ti bisi dilatih mega beguna lebuh ti mantu nyelamatka orang ti tasah ari ti lenyau reta tengkira enggau midang.

“Nyema bisi nyadi sebarang penusah ngenyit, sida mih respon keterubah bomba sebedau tim datai ke palan penusah nyadi, ambika chunto nyema bisi nyadi penusah angus di kandang menua ke tusah deka dilawa baka menua pesisir tauka di ulu,” ku iya.

Naka ke diatu, ku Khirudin, bisi 56 PBS ti udah berejista di selampur Sarawak enggau 2,471 raban sereta pengawa numbuh PBS tu iya nya ari baruh Seksyen 62(1)(Ca) Akta Perkhidmatan Bomba 1988.

Beserimbai enggau nya, Chairman PBS Kampung Bako Indah Noh Yahim madahka komuniti di kampung nya bisi ati deka numbuhka PBS laban ti meretika pemerat bantu tumu pengudah meda kes penusah angus ti besai ke udah ngaul empat buah rumah di genturung pendiau nya dalam taun 2005.

“Kenyau ari nya, kami udah ngaga pemutus deka nyereta PBS enggau ngempungka 30 iku kaban lalu enggau rasmi nya udah nyadi raban PBS dalam taun 2008 pengudah ngabiska kus pengelama tiga bulan di balai bomba Tabuan Jaya,” ku iya.

Nitih ku Noh, pemujur ti pemadu besai PBS Kampung Bako iya nya lebuh ti bisi penusah nyadi di Kampung Bako Hijrah (genturung pendiau ti besemak) dalam taun 2012, ke udah ngujungka sebuah rumah angus lalu raban sida nya mujur nagang api ari ti nyerarai ngagai empat buah rumah bukai sebedau tim bomba datai.

“Penusah kedua iya nya dalam taun 2016... Aku empu ti mujur nyelamatka siku lelaki ti labuh ari jelatung maya ti bejalaika pengawa ngaga jelatung genturung pendiau tu,” ku iya seraya nambah pengawa numbuhka PBS ulih mantaikangagai komuniti bekaul pemerat tanggungpengawa raban nya ti bedau nyengala ditemu bala peranak kandang menua nya sbedau tu.

Ngagai Chairman PBS Kampung Simpok Alice Luna Bala, PBS di genturung pendiau nya udah ditumbuhka dalam taun 2017 pengudah dituntung penusah ampuh bah ke besai ti nyadi di genturung pendiau sida tiga taun sebedau tu ke ngujungka komuniti sida putus jalai penyambung pengelama tiga hari.

Nitih ku iya, kenyau ari nya, majak mayuh peranak genturung pendiau nya meretika guna bantu tumu nyema bisi penusah ngenyit lalu penyampau raban PBS Kampung Simpok ti keterubah nya bisi 10 ku diatu udahnambah ngagai 30 iku.

Ku iya nambah, penyampau raban ti nambah nya nyadi berindik ari mayuh genturung pendiau menua nya ngiga sida dikena ngulihka bantu nyema nyadi sebarang penusahbebadi tauka penusah ngenyit.

“Taja pan mayuh ari raban ngembuan komitmen kediri, kami endang sedia bejalaika pengawa volunteer tu enda ngarapka sebarang upah,” ku iya. — Bernama