Geran MRP RM270,000 disuaka Penguang ngagai 21 JKKK, Biro Wanita di DUN Marudi
Sapit Menteri Pengerai Mensia Mayuh, Pengawa Berumah enggau Kaunsil Kandang Menua, Datu Dr Penguang Manggil udah nyuaka geran projek pemansang menua pesisir (MRP) ngagai 21 komiti Pemansang enggau Pengelikun Genturung Pendiau (JKKK) sereta Biro Indu.
Semua penyampau geran nya bisi RM270,000 ungkup JKKK enggau Biro Indu DUN Marudi disuaka Penguang ngagai penerima maya Pengerami Ngiling Bidai Hari Gawai ba Rumah Duri Atek, Sungai Sebatu, Tinjar ditu.
Penerima geran iya nya JKKK Rumah Duri Atek (RM15,000), Biro Indu Rumah Duri Atek (RM5,000), JKKK Rumah Eddie (RM15,000), JKKK Rumah Suring Julian (RM15,000), JKKKRumahJampangKatan (RM15,000), JKKK Rumah Jemat (RM20,000), JKKK Rumah Hilang (RM20,000), JKKK Rumah Ludan (RM15,000), JKKK Rumah Wat (RM15,000) enggau Biro Indu Rumah Douglas Bungan (RM30,000).
Samabisinerimamegaiyanya Raban Indai Rumah Tadong (RM5,000), JKKK Rumah Douglas Bungan (RM15,000), JKKK Rumah William Saba (RM10,000), Kampung Bukit Limau (RM20,000), JKKK Rumah Tadong (15,000), JKKK Rumah Diana Fidelis (RM15,000), JKKK Rumah Cbaing (RM15,000), JKKK Rumah Kaum (RM5,000) enggau MAKSAK Bagi Menua Miri (RM5,000).
Sama bisi ngulu pengerami nya, Sekretari Politik Premier SarawakAlexanderAsingSadai, PenghuluBuanGelungganenggau Penghulu Musin Radin.